DC MICHEWENI: Wananchi Wahamasishwe Kujitokeza Siku ya Maadhimisho ya UKIMWI Duniani

 

MICHEWENI

Mkuu wa wilaya ya Micheweni Salama Mbaruku Khatib amewataka watendaji mbalimbali wa wilaya humo kutoa mashirikiano ya kutosha katika hafla ya kuelekea maadhimisho ya siku ya UKIMWI Duniani yanakayofanyika Desemba mosi ya kila mwaka.

Mkuu huyo wa wilaya ametoa rai hiyo katika kikao cha maandalizi ya hafla hiyo dhidi ya watendaji kutoka taasisi mbalimbali, wakiwemo masheha kwenye ukumbi wa mikutano wa Zangoki wilayani hapo.

Amesema kuwa katika kuhakikisha zoezi hilo linakamilika kwa ufanisi ni lazima kila mtendaji kujitoa ipasavyo kwani siku hiyo imetengwa kimataifa kwa ajiri ya zoezi hilo.

Aidha katika hatua nyingine Salama amewataka masheha wa wilaya ya Micheweni kuhamasisha  wananchi wao kujitokeza kwa wingi kushiriki katika hafla hiyo.

Kwa upande wake mkurugenzi wa halimashauri ya wilaya ya Micheweni Hamad Mbwana Shehe, amesema kuwa ameridhishwa na juhudi zinazofanywa na Mkuu huyo wa wilaya kwa kushirikiana na watendaji mbalimbali katika masuala ya maendeleo.

Nae Sheha wa Shehia ya Micheweni Mjini ambae pia ni mwenyekiti wa Masheha wilayani humo, Dawa Juma Mshindo, amemhakikishia mkuu huyo wa wilaya kuwa watashirikiana nae katika kuhakikisha zoezi hilo hilakamilika kikamilifu.

Siku ya UKIMWI Dunia ambayo huadhimishwa kila ifikapo Desemba mosi  ya kila mwaka, katika Wilaya ya Micheweni Mkoa wa Kaskazini Pemba Maadhimisho hayo yanatarajia kufanyika katika viwanja vya Skuli ya Sekondari Micheweni huku Mgeni rasmi akitarajiwa kuwa mkuu wa Wilaya hiyo Bi Salama Mbaruk Khatib.