SOS kuleta miundo mbinu kwa baadhi ya skuli katika wilaya ya micheweni.

afisa elimu wilaya ya micheweni mwalimu mbwana shaame akizungumzia juu ya wazazi kushirikiana na walimu kwa maendeleo ya watoto hapo jana katika ukumbi wa skuli ya micheweni sekondari.

afisa mradi kutoka SOS Gharibu Abdalla Hamad akizungumzia juu ya shirika hilo kuboresha baadhi ya skuli na kuleta maendeleo bora.

wazazi na walimu wakisikiliza ahadi mbalimbali kutoka kwa SOS katika kuzisaidia skuli ambazo hazina miundo mbinu ya kutosha.

wazazi akisikiliza takuwimu za watoto wao kutoka kwa afisa wa elimu wa wilaya ya micheweni juu ya ufaulu wa watoto wao.

wazazi na walimu wakitoa changamoto zao kwa SOS na  kwataka kuzisaidia skuli ambazo hazina miundo mbinu ya kutosha.

Shirika la kusaidia kaya masikini zanzibari SOS limewataka wazazi,kamati za skuli na walimu wakuu wa skuli zilizopo wilaya ya Micheweni kusimamimia vyema watoto ili kupata elimu ikiwa ni haki yao ya msingi.

Kauli hiyo ilitolewa na afsa mradi kutoka shirika hilo, Gharibu Abdalla Hamadi wakati alipokuwa akizungumza na walimu pamoja na kamati zake katika ukumbi wa mikutano skuli ya sekondari Micheweni.

Alisema mradi umelenga kuboresha katika upatikanaji wa vyoo kwa baadhi ya skuli zilizomo ndani ya wilaya ya Micheweni pamoja na kujenga majengo ya kisasa yatakayokidhi haja za wanafunzi.

“kwa mwaka huu SOS itaweka maboresho kwanza kwenye vyoo kwa baadhi ya skuli kama vile Kiuyu Na Tumbe ili wanafunzi kuepuka kwenda vichakani kwaajili ya kufanya haja zao,” Gharibu alisema.

Gharibu aliwataka wazazi kuwasomesha watoto wao walio kwama kimasomo na kuwapeleka katika vyuo vyo kiufundi kwaajili ya kupata ujuzi utakao waendeleza kimaendeleo.

“wazazi ni kuwatafutia njia mbadala watoto wenu walio kwama kimasomo na kuwapeleka katika vyuo vya kiufundi kwa kupata taaluma mbalimbali kwa ajili ya kujiendeleza kimaendeleo na kupunguza tatizo la ajira kwa vijana” Gharibu alisema.

Hata hivyo afsa elimu wilaya ya Micheweni Mbwana Shame alisema elimu ni haki ya kila mtu hivyo ni vyema wazazi, walimu na kamati za skuli  kushirikiana ili kusimamia vyema maendeleo ya watotot wao.

 Mbwana alisema ni lazima wazazi kuchukuwa juhudi za kuwatembelea watoto mara kwa mara katika skuli zao, ili kujua changamoto mbalimbali zilizopo katika maendeleo ya watoto wao na kupata njia muafaka ya kutatua changamoto hizo.

“wazazi ni vyema kuwatembelea watoto sio kuwapeleka skuli ndio kusoma kwani inawezekana ikawa hata skuli wenyewe hafiki lakini utakapo chukua juhudi ya kumtembelea ndipo utakapo jua ni changamoto gani inayo mkabili mtoto wako na kujua nijinsi gani ya kuondoa changamoto hiyo,” alisema.

Alisema kuwa wazazi, walimu pamoja na kamati za skuli waweke  mikakati na kanuni mbalimbali na kutoa hukumu kwa wazazi ambao hawasimamii maendeleo ya watoto wao na kuifikisha kwa mkuu wa wilaya kwaajili ya kutiwa saini na kupitishwa kanuni hiyo.

“wazazi ,kamati pamoja na walimu mutakapokaa na kuandaa mipongo kazi yenu na kuifikisha kwa mkuu wa wilaya na kutiwa saini basi wale wazazi ambao hawafuatilii maendeleo ya watoto wao, watakua na tahadhari kubwa juu ya suala la kuangalia maendeleo ya watoto wao,” mbwana alisema.

Washiriki wa semina hiyo wamesema changamoto kubwa inayowafanya watoto kushindwa kwenda skuli ni kujiingiza katika ajira za utotoni, hivyo wamewataka wazazi kuwa karibu na watoto wao ili waweze kwenda skuli.

Na Omar Khamis Kombo