DC WETE Aagiza Kufanyiwa Ukarabati Barabara ya Kinazini

 

Mkuu wa wilaya ya WETE, ABEID JUMA ALI ameiagiza Wizara ya Ujenzi , Miundombinu na Usafirishaji PEMBA kuifayia ukarabati Barabara ya Kinazini Shehia ya Mtambwe kusini  ili kunusuru madhara kwa wananchi.

 Mkuu wa wilaya amelazimika kutoa agizo hilo baada ya kufanya ziara ya kutembelea eneo la barabara hiyo  na kuiagiza Wizara husika kuharakisha matengenezo ya Barabara katika kabla ya mvua za masika.

Amesema Barabara hiyo ambayo ni kiunganishi kwa wakaazi wa Shehia hiyo na maeneo mengine katika kuyafikia masoko ya bidhaa , inahitaji ukarabati wa haraka ili wananchi  waweze kuitumia kwa ajili ya kujikwamua kiuchumi.

Nae  msimamizi mkuu wa Barabara Wilaya ya WETE, MASOUD ALI MUSA, amesema yuko tayari kutekeleza agizo hilo kwa hatua ya mwanzo wataleta kifusi pamoja na mawe na kulifukia kwa ajili ya kunusuru madhara hayo.

Barabara ya kinazini Mtambwe ni miongoni mwa barabara ambazo zimeathirika na mvua kubwa zilizonyesha mwaka jana.