DC Micheweni: Halmashauri Fanyeni Kazi kwa Kushirikiana na Wizara Ya Ardhi Kutekeleza Majukumu yenu

MKOA WA KASKAZININ PEMBA ..

MKUU WA WILAYA YA MICHEWENI SALAMA MBAROUK KHATIB AMEIOMBA  HALMASHAURI YA WILAYA YA MICHEWENI KUSIMAMIA UPIMAJI WA ENEO LINALOTARAJIWA KUJENGWA KITUO CHA AFYA KATIKA KIJIJI CHA KIPANGANI SHEHIA YA KIFUNDI ILI  ENEO LITAKAYOBAKI LITUMIKE KWA SHUGHULI NYENGINE ZA KIJAMII. 

AMESEMA  NI VYEMA UONGOZI WA HALMASHAURI YA WILAYA HIYO KUSHIRIKIANA NA WIZARA YA ARDHI KUHARAKISHA UPIMANI WA ENEO LILILOTENGWA KWA AJILI YA UJENZI WA KITUO CHA FYA CHA DARAJA LA PILI ILI UJENZI UANZE NA UKAMILIKE KWA WAKATI ULIOPANGWA.

AKIZUNGUMZA BAADA YA KULITEMBELEA ENEO AMBALO LINATARAJIWA KUJENGWA KITUO HICHO , MKUU WA WILAYA AMEWATAKA WANANCHI WALIOANZISHA UJENZI WA NYUMBA NA KUISHI KUSIMAMISHA UJENZI HADI PALE ZOEZI LA UPIMAJI LITAKAPOFANYIKA .

NAYE KATIBU TAWALA MKOA WA KASKAZINI PEMBA AHMED KHALID ABDALLA AMESEMA  UJENZI WA KITUO HICHO ITAKUWA NI UKOMBOZI WA WANANCHI WA KIJIJI HICHO KWANI KITUO CHA AFYA ZA SASA HAKITOSHELEZI KUTOA HUDUMA ZA MAMA NA MTOTO .

AIDHA AMEWATAKA WAKAAZI WA KIJIJI HICHO KUENDELELE KUINGA MKONO SERIKALI    KATIKA HARAKATI ZAKE ZA KUIMARISHA HUDUMA MUHIMU ZA KIJAMII IKIWEMO AFYA NA ELIMU .

NAO WANANCHI WA KIJIJI HICHO WAMEAHIDI KUSHIRIKIANA NA WATENDAJI WA WIZARA YA AFYA WAKATI WA UTEKELEZAJI WA KAZI ZA UJENZI IKIWA NI PAMOJA NA ULINZI WA VIFAA AMBAVYO VITATUMIKA .