Jamii Acheni Kuwaficha Majumbani Watu Wenye Ulemavu-DAWATI

MICHEWENI      

Jamii imetakiwa kuacha kuwaficha majumbani watu wenye ulemavu bali iwashirikishe katika kupanga na kutekeleza kazi za maendeleo katika maeneo yao.

Hayo yamesemwa na afisa kutoka idara ya watu wenye ulemavu kisiwani Pemba Mashavu Juma Mabruki katika ukumbi wa mikutano wa ofisi ya mkuu wa wilaya ya Micheweni wakati akiongoza mkutano wa siku moja  uliowashirikisha masheha wa wilaya hiyo wenye lengo la kupata uelewa wa zoezi la usajili wa watu wenywe ulemavu.

Amesema zoezi la usajili wa watu wenye ulemavu ambalo limeanza leo katika wilaya ya Micheweni linakwenda sambamba na haki za binadamu.

Aidha amefahamisha kwamba kitendo cha kuwaficha watu wenye ulemavu kinawanyima fursa ya kushiriki katika vikao vya maamuzi jambo ambalo linawakosesha haki ya ushirikishwaji ndani ya jamii.

Akizungumza kwa niaba ya wenzake mwenyekiti wa masheha hao Dawa Juma Mshindo amesema miongoni mwa changamoto zinazowakabili walemavu ni pamoja na kufanyiwa vitendo vya udhalilishaji