Waziri Aboud Aridhishwa na Utendaji Kazi Ofisi ya Mkuu wa Mkoa Kas Pemba

Mkoa Wa Kaskazini Pemba

Waziri Wa Nchi Ofisi Ya Makamo Wa Pili  Mhe Mohammed Aboud Mohammed Ameelezea Kuridhishwa Na Juhudi Zinazochukuliwa Na Ofisi Ya Mkuu Wa Mkoa Wa Kaskazini Pemba Juu Ya Utekelezaji Wa Ujenzi Wa Mtaro Katika Eneo La Bubujiko Wilaya Ya Wete.

Akizungumza Baada Ya Kutembelea Eneo Hilo , Mhe Abodu Amesema Ameutaka Uongozi Wa Serikali Ya Mkoa Pamoja Na Wataalamu Wake Kushirikiana Na Wataalamu Kutoka Ofisi Ya Makamo Wa Pili Ili Washauriane Na Kupata Ufanisi Wa Ujenzi Wa Mtaro Huo .

Amesema Kuwa Ni Bora Ujenzi Wa Mtaro Huo Ukafanyika Haraka Ili Kuwakinga Wananchi Na Madhara Ambayo Yanaweza Kuwapata Wananchi.

Mapema Katibu Tawala Mkoa Wa Kaskazini Pemba Ahmed Khalid Abdalla Amesema Tayari Serikali Ya Mkoa Imetayarisha Michoro Pamoja Na Kufanya Makisio Ambapo Zaidi Ya Shilingi Milioni 50 Zinatarajia Kutumika Katika Ujenzi Wa Mtaro Huo Wenye Urefu Wa Mita 200.

Amesema Tayari Timu Ya Wataalamu Kutoka Wizara Ya Kilimo , Mawasiliano Na Ardhi Wameanza Mikakati Ya Kuhakikisha Mtaro Huo Unajengwa Na Unakamilika Kwa Wakati .