Walimu Madrasa, Wanafunzi watakiwa Kupinga Vitendo vya Udhalilishaji

Sheha wa shehia ya majenzi wilaya ya micheweni Faki Kombo Hamad amewataka wanafunzi pamoja na  walimu wao kupiga vita vitendo vya udhalilishaji pomoja na madawa ya kulevya.

Ameyasema hayo  alipo kuwa akizungumza na walimu wa madrasa mbalimbali na wanafunzi wao, kwenye  chuo cha Al-madrasat anuwari Imaniyah, juu ya vitendo vya udhalilishaji wa kijinsia hususani kwa watoto.

Amesema walimu wamekuwa wakidhaniwa kuwa nao wanachangia kwa kiasi Fulani vitendo vya udhalilishaji kwa wanafunzi wao.

Katika hatua nyingine amewashauri walimu hao kujua majukumu yao ndani ya madrasa zao ili kujiepusha na vitendo vya udhalilishaji wa kijinsia kwa wanafunzi wao. 

Nae kwa upande wake mjumbe wa sheha wa shehia hiyo Ali Fundi Kombo amesema ni vyema wanafunzi kujua lengo la kwenda madrasa na kuachana na vishawishi ambavyo vinaweza kuwapelekea kudhalilishwa.

 

Kwa upande wa mwanafunzi Faki Kombo Fundi amesema nivyema kuchukuliwa sheria kwa vijana ambao wanawadhalilisha wazazi kwani suala la udhalilishaji haliko kwa mtoto  wakike pekeyake.

Nae ustadhi Hamad Bakar Hamad amesema lengo la mafunzo yanayotokana na madrasa hizo ni kukumbushana mema na kukatazana mabaya vikiwemo vitendo vya nidhamu na udhalilishaji.