Wananchi wilaya ya Micheweni Waaswa Kujikinga na Kipindupindu

Wananchi wa wilaya ya Micheweni wametakiwa kuweka mazingira safi ili kujikinga na maradhi hatari ya mripuko ya kipindupindu. 

Kauli hiyo imetolewa na mkuu wa wilaya ya Micheweni salama mbarouk khatibu wakati alipokuwa akizungumza na wananchi wa wilaya ya Micheweni juu ya umuhimu wa kuweka mazingira safi.

Salama amesema maradhi ya mripuko ya kipindupindu ni hatari ambayo yanaweza kuleta maafa makubwa ndani ya jamii.

Mbarouk amesema ni vyema wananchi kuweka utaratibu wa kuchemsha maji ya kunywa pamoja na kuweka mazingira safi ili kujikinga na ugonjwa huo.

Hata hivyo amewataka wananchi wa wilaya ya Micheweni kutomuonea haya mtu yeyote ambaye anafanya uchafuzi wa mazingira katika wilaya yake.