Bilioni 10 kutumika Kuimarisha Teknolojia ya Kisasa Sekta ya Nishati Zanzibar

Zaidi ya Shillingi Billioni kumi za kitanzania zinatarajiwa kutumika katika kuimarisha sekta za nishati ili ziweze kutoa huduma bora kwa wananchi wa Zanzibar .

Akizungumza katika ufunguzi wa Semina ya siku  tatu kwa lengo la kuwajengea uwezo watendaji wa Shirika la Umeme Zanzibar ZECCO  ,Naibu Waziri wa Ardhi , Maji , Nishati na Mazingira Juma Makungu Juma  amesema fedha hizo zitatumika kwa ajili ya kununulia mita za tukuza zitakazorahisisha upatikanaji wa mapato ya shirika na serikali.

Amesema utekelezaji wa mradi huo pia utawawezesha  watendaji wa Shirika ZECCO  kuweza kujua namna ya kutoa huduma stahiki kwa wananchi pamoja na kufanya kazi kwa kutumia teknolojia ya kisasa itayoimarisha utendaji wa kazi zao.

Aidha amewataka wasimamizi wa Mradi huo kufanya kazi kwa wakati na kufuata sheria ili kuwaondoshea usumbufu wananchi wakati wanapohitaji kufanya malipo.

Kwa upande wake Afisa uhusiano wa Shirika la umeme Zanzibar ZECCO Salum amesema kupitia Mradi wa SIDA  unaotarajiwa kudumu kwa miaka mitatu kuanzia mwaka  2017 hadi 2019  utakao wawezesha kujifunza mambo mengi katika ufungaji wa mita zinazoendana na kasi ya teknolojia.

 Semina hiyo ya siku moja kwa watendaji wa Shirika la Umeme Zanzibar ZECCO wakiwemo Wajumbe wa Bodi pia inatarajiwa kudumu kwa muda wa siku tatu ambapo itawashirikisha Mamlaka ya Udhibiti wa huduma za Nishati Maji na Mafuta ZURA na Idara ya Nishati na Madini ili kuwajengea uwezo katika kutekeleza majukumu yao.