Mkurugezi H/wialaya Micheweni asifia Utendaji Kazi wa Ilani ya CCM Wilayani humo

Mkurugenzi wa Halmashauri ya Wilaya ya Micheweni Hamad Mbwana Shehe (katikati), akizungumza na Wana kamati ya Shule ya Chimba Msingi wakati wa Ziara hiyo.

Mkurugenzi wa halimashauri ya wilaya ya Micheweni Hamad Mbwana Shehe, amekishukuru Chama cha CCM kwa ngazi ya Wilaya kwa kuweza kushirikiana na halimashauri hiyo katika kutatuwa kero za Wananchi Wilayani humo.

Ametoa shukurani hizo katika ziara yake na viongozi wa Chama hicho, wakati walipokuwa wakitembelea baadhi ya Skuli mbalimbali za Msingi na Sekondari pamoja na Kituo cha Afya cha Mkia Ng’ombe ,ndani ya wilaya hiyo.

“Nakishukuru Chama cha CCM ngazi ya Wilaya kushirikiana nasi kwa ajili ya kutatua kero za Wananchi na kuleta maendeleo katika masuala ya afya pamoja na elimu hususa ni sehemu ambazo hazija patiwa huduma hizo”alisema.

Mwenyekiti wa CCM Wilaya ya Micheweni, Hassan Khatib Hassan, akikagua Ujenzi wa Shule ya Kisasa katika Jimbo la Micheweni

Pia alisema lengo la ziara hiyo ni kwa ajili ya kuboresha sekta ya Elimu pamoja na Afya  na kukabiliana na changamoto mbalimbali katika harakati za kimaendeleo ili wananchi kuweza kupata huduma muhimu kwa urahisi.

Naye katibu wa CCM Wilaya ya Micheweni Hassan khatib Hassan alisema lengo la Chama cha Mapinduzi ni kuhakikisha kinasikiliza kero mbalimbali za wananchi na kushughulikiwa ipaswavyo.

Mwenyekiti wa CCM Wilaya ya Micheweni, Hassan Khatib Hassan, akisikiliza changamoto wanazozipata wakandarasi wa ujenzi wa Skuli hiyo ya kisasa

Amesema Chama kimejipanga vyema kuwasaidia wananchi wote bila ubaguzi wa itikadi za kisiasa na kuleta maendeleo kwa wananchi katika ngazi ya wadi, jimbo na wilaya kwa ujumla.

“Chama cha CCM katika ilani yake imejipanga vyema kupeleka mbele maendeleo ya Wazanzibar katika kila Wilaya hususa ni sehemu za vijijini ili kuondoa kero mbalimbali za wananchi bili ya ubaguzi wa itikadi za kisiasa”Hassan alisema.

 Kwa upande wake mwalimu mkuu wa Skuli ya Tumbe Sekondari  Nassoro Rashid Said amesema katika skuli hiyo wamekumbwa na changamoto kubwa ya upungufu wa Madarasa pomoja na Walimu jambo ambalo linaleta usumbufu skulini hapo.

 Alisema Wanafunzi katika Skuli hiyo wamekuwa wakichanganya madarasa mawili na kuwaweka katika darasa moja ili kuweza kufundisha kutokana na tatizo hilo la Madarasa pamoja na upungufu wa Walimu.  

“Skuli yetu tatizo kubwa ni upungufu wa Madarasa pomoja na Walimu jambo ambalo sisi walimu tumeamuwa kwa kila Darasa moja tuwachukuwe Wanafunzi wa Madarasa mawili tuwaweke katika Darasa moja ili kupunguza tatizo lililopo”alisema.

Naye daktari katika kituo cha afya cha mkia ng’ombe Hemed Abdallah Ali  ameiyomba Wizara ya afya ,chama cha CCM ngazi ya wilaya pamoja na halimashauri ya wilaya kutoa msaada wa kuletewa daktari atakae shuhulikia suala la kuzalishwa kwa mama wajawazito kituoni hapo.

Amesema katika shehia hiyo kumekuwa na usumbufu mkubwa katika suala la usafiri kwa ajili ya kuwasafirisha mama wajawazito, kwa ajili ya kwenda kujifungua sehemu nyengine.

 “katika kituo hiki tatizo kubwa ni akina Mama Wajawazito kuweza kufanyiwa msaada wakujifunguwa hapa kituoni kwani sehemu kwa ajili ya kuzalishwa ipo isipokuwa hapana daktari wa kulishuhulikia hilo ili suala la kujifungulia majumbani liweze kuondoka”alisema Hemed.

Pia aliiyomba serekali msaada wa kuongewa Vyoo kwa ajili ya kuondoa usumbufu wa kupanga msongo wa utumiaji wa Choo kwani katika kituo hicho kina vyoo viwili na havikizi haja kutokana na watu kuwa wengi.

Katika ziara hiyo ya mkurugenzi wa halimashauri ya wilaya na katibu wa CCM wa wilaya wametembelea skuli ya tumbe sekondari, Skuli ya Chimba Msingi, Skuli ya Mkia Ng’ombe Msingi na Kituo cha afya cha Mkia Ng’ombe.