Wajumbe Mkutano mkuu NEC: Wana CCM Micheweni Endelezeni Mashirikiano kukijenga Chama Chetu

Katibu mwenezi wa CCM Wilaya ya Micheweni Abdallah Khamis Shaame akisisitiza jambo katika ziara ya viongozi wa CCM ya kuyatembelea majimbo ndani ya wilaya ya Micheweni.

Mwenyekiti wa CCM Wilaya ya Micheweni, Mariam Omar Ali akitoa maelekezo kwa viongozi wa Majimbo wakati wa Ziara hiyo katika Jimbo la Konde

Baadhi ya viongozi wa CCM Wilaya ya Micheweni wakisikiliza Maelezo kutoka kwa Viongozi wa Jimbo la KONDE

Mjumbe wa mkutano mkuu CCM Taifa, Bakar Hamis, akizungumza katika ziara hiyo

Mjumbe wa mkutano mkuu CCM Taifa, Ramadhan Shaib, akisalimiana na Viongozi wa CCM jimbo la Konde wakati wa Ziara hiyo.

Mjumbe wa mkutano mkuu CCM Taifa, Kidawa Suleiman Khatib
akisalimiana na Viongozi wa CCM jimbo la Konde wakati wa Ziara hiyo.

Mjumbe wa mkutano mkuu CCM Taifa, Sophia Mzirai akisalimiana naViongozi wa CCM jimbo la Konde wakati wa Ziara hiyo.

Mwenyekiti wa UVCCM Wilaya ya Micheweni, akisalimiana na Viongozi wa Kamati za siasa Jimbo la Konde

Baadhi ya Viongozi wa Jimbo la Konde wakisikiliza Maelekezo kutoka kwa Katibu Mweneze CCM Wilaya ya Micheweni Abdallah Khamis Shaame wakati wa ziara hiyo Jimboni humo.

  (PICHA ZOTE NA GASPARY CHARLES).

CHAMA cha Mapinduzi CCM wilaya ya Micheweni kimewataka wananchama wa chama hicho kuendeleza ushirikiano ili kuondokana na makundi ndani ya chama kwa lengo la kuendelea kukijenga chama na kuendeleza ushindi katika chaguzi mbalimbali.

Rai hiyo imetolewa na wajumbe wa mkutano mkuu wa chama hicho NEC Taifa katika ziara ya kuwashukuru wanachama wake kwa kuwachagua katika chaguzi zilizomalizika ndani ya chama hicho.

Katika ziara hiyo iliyoongozwa na Mwenyekiti wa CCM Wilaya ya Micheweni, Mariam Omar Ali wajumbe hao wametembelea katika matawi ya jimbo la Konde na Tumbe wilayani humo.

Akizungumza na wajumbe wa kamati za siasa CCM Jimbo la konde, Mwenyekiti wa CCM Wilaya amewataka viongozi wa kamati za siasa kuhakikisha wanatekeleza wajibu wa wa kukitumikia chama ikiwa ni pamoja na kuwaunganisha wanachama pamoja.

Alisema, “lengo la chama chetu ni kuendelea kushinda katika chaguzi zote, kuanzia ngazi ya Wadi hadi Taifa kwani ni wajibu wake kushinda, hivyo viongozi wa kamati za siasa munayo kazi kubwa ya kuhakikisha azima ya Chama inaendelea kutimia.”

Kwa uoande wake mjumbe wa mkutano mkuu CCM Taifa, Bakar Hamis nae amewataka viongozi waliochaguliwa kufanya kazi na kuzitendea haki nafasi zao.

“Uchaguzi tumemaliza kilichobakia sasa ni ni kufanya kazi na kama kulikuwa na makundi wakati wa uchaguzi yafe na libakie kundi moja tu la wana CCM,” alisema Bakar

Aidha katika hatua nyingine mu-NEC huyo alisema kuwa CCM imejipanga kuwajenga zaidi vijana ndani ya Chama ili waweze kukiendeleza kwa nguvu zaidi na kuachana na siasa za kuyumbayumba.

“Muda umefika kwa wanaCCM kuachana na siasa za kuyumbayumba naomba viongozi hakikisheni munaandaa taarifa halisi za wanachama hai waliopo ndani ya chama chetu,” aliongeza.

Nae Kidawa Suleiman Khatib, amewashukuru wana CCM kwa kuwaamini na kuwapa nafasi ya kuwawakilisha wanachama wa Micheweni katika Mkutano mkuu wa CCM Taifa na harakati za kuendelea kukitunza chama katika misingi imara.

“Sisi viongozi wenu tutakuwa msitari wa mbele kushirkianeni na nyie, lakini tunaombeni kama kunasehemu mtaona mambo hayaendi sawa tukosoane kupitia vikao halali ndani ya chama chetu,” alisema Kidawa.

Awali akifungua mkutano huo Katibu mwenezi wa CCM Wilaya ya Micheweni Abdallah Khamis Shaame amewataka matatibu wenezi wa matawi kurejesha hamasa kwa wanachama ili kuendelea kukijenga chama katika kuelekea maadhimisho ya miaka 41 tangu kuanzishwa kwake.

Na Gaspary Charles