'Tekelezeni Ahadi Zenu kwa Wakati' - UVCCM Wilaya ya Micheweni

 

UMOJA wa vijana wa Chama cha Mapinduzi UVCCM Wilaya ya Micheweni wamewataka viongozi waliochaguliwa kutimiza ahadi zao walizoziweka kwa wananchi wakati kampeni ili kuendelea kujenga imani ya chama kwa wananchi wao.

Ushauri huo umetolewa na Mwenyekiti wa umoja huo wMkoa wa Kaskazini Pemba YAHYA HAMIS ALI wakati alipokuwa akizungumza na wanachama wa umoja huo katika tawi la KUYU-MAZIWANG’OMBE.

Amesema ni jukumu la kila kiongozi aliyechaguliwa kuhakikisha anatimiza ahadi zake kwani wananchi wamemuchagua wakihitaji maendeleo ya haraka na kukiamini zaidi chama cha CCM.

Nae mmoja wa wanachama wa umoja huo OMAR YUSSUF HAMAD, amewataka amewataka masheha kutoa ushirikiano kwa vijana ili kujenga taifa lililo bora.

Ziara hiyo ni mwendelezo wa ziara zilizoandaliwa na Umoja wa huo katika wilaya ya Micheweni, zenye lengo la kuwahamasisha vijana kuchangamkia fursa za maendeleo .