Walimu waonywa kuweka Mikakati Bora kuimarisha Ufaulu kwa Wanafunzi WETE

 

Mkuu wa Wilaya ya Wete ABEID  JUMA ALI  amewataka  Walimu wa Skuli ya Sekondari MITIULAYA  kushirikiana na kamati ya skuli  pamoja na wazazi wa wananfunzi ili  kuweka mikakati iliyo bora itakayopelekea wanafunzi kufanya vizuri katika mitihani yao.

 Kauli hiyo ameitowa  wakati alipokuwa akizungumza na walimu huko katika ukumbi wa ofisi ya Mwalim Mkuu Sekondari  MITIULAYA Wete Mkoa wa KASKAZINI PEMBA.

 Amesema matokeo mazuri hupelekea sifa kwa walimu hivyo ni vyema kuwajibika ipasavyo na kuweka mikakati imara ambayo itapelekea  wanafunzi  kutojiingiza  katika vitendo viovu vinavyosababisha  kutofanya vizuri katika masomo yao.

 Kwa upande wake Mwalim Mkuu wa Skuli hiyo Bi RIZIKI MAKAME FAKI ameahidi kwamba  walimu hao watatekeleza majukumu yao ya kazi ipasavyo  ili kuhakikisha  wanapasisha wanafunzi wengi katika skuli hiyo.

 Hata hivyo amesema  changamoto inayowakabili katika Skuli hiyo hadi  kupelekea kutofanya vizuri katika mitihani  yao ni kwamba baadhi ya wazazi na walezi hawataki kutoa ushirikiano wao na kupelekea Wanafunzi wengi kuwa wtovu wa nidhamu pamoja na kukosa  mwalimu wa somo la Sanyansi na somo hilo kushindwa kusomeshwa .

 Na Khadija Mahmoud Pemba.