WANAHABARI WATAKIWA KUZINGATIA MAADILI

Waandishi wa habari nchini wametakiwa kuzingatia maadili ya taaluma yao wanapotekeleza majukumu ili kuepusha migogoro katika jamii.

Wito huo umetolewa leo mjini Dodoma na Mwezeshaji ROSE MWALIMU katika Mafunzo ya kuwajengea uwezo waandishi wa Habari vijijini  kuandaa vipindi bora yanayoendeshwa na Shirika la Elimu, Sayansi na Utamaduni-UNESCO-.

Amesema kutozingatia maadili kama vile ukweli na vyanzo sahihi kutasababisha vyombo vyao kutoaminika na Jamii husika.

Waandishi wa habari 49 kutoka Redio za jamii 24 nchini wanashiriki mafunzo hayo ya siku saba ambayo yameanza Februari 06, hadi Februari 12 Mwaka huu.