Kuapishwa Tawala Mpya, RC Kas Pemba ahimiza Lugha Nzuri Kwa Wafanyakazi

 

Mkuu wa Mkoa wa Kaskazini Pemba Mhe OMAR KHAMIS OTHMAN amewataka watendaji wa Serikali wa Mkoa huo kutumia lugha ya busara na hekima wanapotoa huduma kwa wananchi . 

Akizungumza  baada kumuapisha katibu tawala mpya wa mkoa huo Bakar Ali Bakar  mhe , OMAR amemtaka kuhakikisha anayaendeleza na kuyafanikisha malengo yaliyoandaliwa na aliyekuwa katibu tawala ili lengo la serikali ya kutoa huduma bora kwa wananchi liweze kufikiwa.

Katika nasaha zake aliyekuwa katibu tawala mkoa huo AHMED KHALID ABDALLA amesema pamoja na kung’atuka katika nafasi hiyo , lakini ameahidi kushirikiana na katibu tawala mpya katika kusukuma mbele gurudumu la maendeleo .

Aidha amewashukuru wajumbe wa kamati ya ulinzi na usalama kwa ushirikiano waliompa na kuweza kufanikisha majukumu yake ya kazi na kuwataka kushirikiana na katibu tawala mpya katika kuwatumikia wananchi

 

hata hivyo katibu tawala mpya BAKAR ALI BAKAR amewataka viongozi wa wilaya na mkoa kumpa ushirikiano ili aweze kutekeleza vyema majukumu yake ya kazi za kila siku.