Migogoro ya Ardhi 'Kufuta Kazi Masheha' Zanzibar

 

MWENYEKITI wa  kamati ya baraza la Mapinduzi inayoundwa na baadhi wa Mawaziri Mh. HAJI OMAR KHEIR amesema kuwa Serikali haitakuwa na Dhamana ya kulinda kiongozi ambaye atabainika kuhusika na Migogoro ya Ardhi.

Akizungumza na viongozi wa majimbo, Madiwani, Masheha pamoja na viongozi wa kamati za ulinzi na usalama Wilaya na Mkoa, amesema ni jukumu la viongozi hao kuhakikisha wanasimamia na kudhibiti migogoro ya ardhi katika maeneo yao.

Amesema zipo taarifa zinazowahusu viongozi na migogoro ya ardhi, na kwamba sheha akibainika kuhusika, itakuwa ni kibali chake cha kufutwa kazi.

Kwa upande wake mjumbe wa kamati hiyo Dk. SIRA UBWA MWAMBOYA amesema Serikali imebaini kuwepo matumizi mabaya ya mashamba ya eka, hivyo inakusudia kuya[potia upya ili kuyatambua mashamba hayo.

Mapema mkuu wa Mkoa wa Kaskazini Pemba, Mh OMAR KHAMIS OTHIMAN amesema kwa Kushirikiana na Viongozi wa Shehia, Madiwani pamoja na kamati za ulinzi na usalama wamefanikiwa kudhibiti migogoro ya ardhi katika Mkoa huo.