'KAMBARE HATARINI KUTOWEKA ZIWA MAKANGALE'

WAKAAZI wa shehia ya Tondooni na Makangale Wilaya ya Micheweni wamesema   kwamba mabadiliko ya tabianchi yameanza kutishia kutoweka samaki aina ya Kambare wanaopatikana kwenye ziwa Makangale .

Wamesema samaki hao ni moja ya kitoweyo kinachopendwa na wananchi wengi,kwa  sasa upatikanaji wake umekuwa adimu kutokana na Maji ya Bahari kuingia ndani ya ziwa Makangale  na kusababisha samaki hao kutoweka.

Katika nasaha zake kwa wananchi hao , Mkuu wa Mkoa wa Kaskazini Pemba Omar Khamis Othman ameahidi kufanya ziara ya kulitembelea ziwa hilo , huku akiwa amefuatana na wataalamu wa Kilimo , Misitu na Mazingira .

Ameeleza kwamba ziara hiyo ambayo ataifanya pia utawahusisha wanajamii wanaozunguka ziwa hilo ambao watahirikiana na wataalamu wa kilimo na Mazingira kutafuta ufumbuzi wa changamoto hiyo ya maji ya chumvi kuvamia ziwa hilo.

Hata hivyo Mkuu wa Mkoa amewashauri wakaazi wa shehia ya Tondooni na Makangale kuangalia uwezekano wa kupanda miti ili kuzuia maji ya bahari yasiendelee kuleta madhara  kwa viumbe hai wakiwemo Kambare.