MADIWANI BARAZA LA MJI WETE WAGOMA KUPITISHA BAJETI 2018/19

Madiwani wa Baraza la mji Wete wamekataa kuipisha Bajeti ya mwaka 2018-2019 kwa madai kuwa ni ndogo kulingana na vyanzo vya mapato vilivyomo katika baraza hil.

Baraza hilo limepanga kukusanya shilingi milioni  270,000,000/=kwa mwaka 2018-2019.

Wakizungumza kwenye kikao hicho madiwani wamehoji uhalali uliotumika kuweka makadirio hayo , huku wakisema  hakuna tofauti iliyozingatiwa katika kuweka viwango vya leseni kwa maduka .

Diwani wa kuteuliwa Zulfa Abdalla Said amesema  bajeti hiyo iliyokadiriwa haina uwiano wa leseni za maduka kwa wafanyabiashara wadogo ,wa kati na wakubwa .

Kaimu Mkurugenzi wa Baraza hilo Bi Salma Abuu Hamad amesema kamati ya fedha imeandaa utaratibu wa kuwatumia madiwani katika maeneo yao kuyabaini maduka .

Mwenyeketi wa kamati ya fedha akawashukuru madiwani licha ya kutoipisha bajeti hiyo .