Mtoto Mmoja apoteza Maisha kwa kudaiwa kula Chakula chenye Sumu PEMBA

 

WATOTO watatu wakazi wa kijiji cha Kele shehia ya Mtambwe wamefikishwa katika hospitali ya wete kwa ajili ya kupatiwa matibabu baada ya kula kitu kinachosadikiwa kuwa na sumu .

Daktari wa zamu katika wodi ya watoto katika hospitali hiyo  dk Badru Ali Badru amethibitisha kuwapokea watoto hao na kusema mmoja kati yao alipoteza maisha wakati akiendelea kupatiwa matibabu.

Akizungumza na mwandishi wa habari hizi , dr Badru amewataja watoto hao kuwa ni AKram Mohammed Ali mwenye umri miaka 6 na Mula Omar  Ali mwenye umri wa miaka 4.

Aidha dr  Badru  amesema mtoto  Ashraf Husein Hamad  mwenye miaka 4 yeye amefariki duni wakati akiendelea kupatiwa matibabu   na kusema wameanza kufanya vipimo vya awali ili kutambua chanzo cha tukio hilo.

‘ Tumeanza kufanya uchunguzi wa awali kwa kuchukua vinyesi na damu za wagonjwa ili kuchunguza na kutambua tatizo linalowasumbua watoto hawa‘’alisema .

Akitoa maelezo kwa katibu tawala , Dk Hawala Saleh amesema tofauti  na wakati wanafikishwa , na baada ya kupatiwa matibabu hali zao zinaendelea vyema.

‘Tofauti na  wakati wanafikishwa hali zao zilikuwa mbaya sana , lakini kwa sasa baada ya kuwapaatia matibabu hali zao zinaendelea vizuri ’alifahamisha. 

Katibu Tawala wa Wilaya Wete  Mkufu Faki Ali amewapongeza madaktari wa hospitali ya Wete kwa juhudi walizochukua kuokoa maisha ya watoto hao .

Akizungumza na madaktari na wazazi katika hospitali hiyo , Mkufu amewataka wazazi kuwafikisha wenye vituo vya afya na hospitali watoto wao wanapohisi wamekula vitu a ambavyo vinaweza kuleta athari katika maisha yao .

 Katibu Tawala pia katumia fursa hiyo kuiomba  Wizara ya Afya kueka chumba maalum kwa ajili ya  wagonjwa waliokatika hali mahututi katika hospitali hiyo ili kusiwepo na vitendo vya kuwachanganya wagonjwa  .

‘Pamoja na juhudi ambazo madaktari wamezichukua kuhakikisha wanaokoa maisha ya watoto , lakini ni vyema Wizara ya Afya kuweka chumba cha wagonjwa mahututi katika Hospitali hii hususani kwenye kitengo cha watoto ’alishauri.

Hili ni tukio la kwanza kutokea katika Hospitali hiyo kwa mwaka 2018 kwa watoto wafikishwa wakiwa wanadhaniwa kula chakula chenye sumu.