'Wananchi WETE Pelekeni Watoto wenu kupatiwa Chanjo'

WANANCHI wilaya ya wete wametakiwa kuwapeleka watoto wao katika vituo vya Afya kupatiwa chanjo na kuacha dhana potofu juu ya chanjo hizo . 

Kauli hiyo imetolewa na Katibu Tawala Wilaya ya Wete Bi Mkufu Faki  Ali wakati akizungumza na wananchi wa wilaya hiyo katika uzinduzi wa wiki ya chanjo pamoja na chanjo ya kukinga saratani ya mlango wa kizazi uliyofanyika Junguni wilaya ya wete mkoa wa kaskzini pemba.

Amesema Madhumuni  makubwa ya wiki ya Chanjo ni kuwakinga watoto   na maradhi mbalimbali  yanayowathiri chini ya umri wa miaka 14 ikiwemo  surua,homa ya ini polio pamoja na Saratani ya Shingo ya kizazi .

Aidha amesema ni vyema wananchi wa wilaya hiyo kutumia fursa hiyo  ili kuhakikisha watoto wote wanapatiwa chanjo hizo na wale watoto wa kike wenye umri wa miaka kumi na nne wanafika katika vituo vya Afya mapema kwa ajili ya kupatiwa chanjo ya  kuwakinga na maambukizi ya ugonjwa unaosababishwa na saratani ya mlango wa kizazi.

Amesema Serekali ya wilaya itaandaa mikakati na kuhakikisha wanaihamasisha jamii kushiriki kikamilifu katika zoizi hilo ili lengo la serekali liweze kufikiwa .

Kwa upande wao madaktari wamesema kuwa chanjo ya Saratani ya shingo ya  kizazi imekuwa ni tatizo kubwa linalosababisha vifo kwa akina mama.