VIJANA PEMBA WAPEWA SIRI YA UZALENDO

Vijana kisiwani Pemba wametakiwa kuwa wazelendo na Nchi yao Pamoja na kufanya Shughuli za maendeleo kwa faida yao na Taifa kwa ujumla.

Kauli hiyo imetolewa na Katibu Tawala Wilaya ya Wete Mkufu Faki Ali alipokuwa akifungua Warsha ya uhamasishaji vijana kujiunga na vyuo vya amali na elimu mbadala katika  ukumbi wa benjameni  Wilaya wete Pemba.

Amesema Vijana ndio nguvu kazi inayotegemewa na Taifa hivyo ni wajibu wao kutumia muda wao vizuri katika shughuli za kimaendeleo huku wakijiepusha na vikundi viovu.

Mapema  Msaidizi katibu wa jumuia ya uhamasishaji vijana Mikunguni Asma Ali Makame amesema jamiii imekuwa inakosa uelewa juu ya masuala ya vyuo vya amali hivyo jumuia yao kwa kuliona hilo ndipo ikandaa warsha ya uhamsishaji vijana kwa wilaya zote za unguja na Pemba ili kuwahamasisha vijana kuweza kufahamu umuhimu wa kujiunga na vyuo hivyo.

 Nao washiriki wa Warsha hio wamesema mafunzo hayo yamewasaidia kwani hawakuwa na uelewa wa vyuo vya amali na kuwashauri vijana walimaliza skuli na hawana kazi waendee kujiunga na vyuo hivyo.