'wauza vyakula zingatieni usafi kuepukana na magonjwa'

WAFANYA biashara   za  Vyakula  wametakiwa  kudumisha   Usafi   katika   Biashara  zao  pamoja  na  kuvaa  Sare   ili  kuepukana  Maradhi  ya Mripuko  hususanI  kipindupindu.

Akizungumza  na  wakurugenzi  wa  Mabaraza  ya  miji  pamoja  na  Halmashauri  katika  ukumbi  wa  Baraza  la Mjii  Chake chake  Pemba,  Naibu  Waziri   wa  Nchi  Ofisi  ya  Rais  Tawala  za  Mikoa  na Idara  Maalum za  SMZ,  Shamata Shaame Khamis amesema ni vyema Wafanyabiashara za vyakula kudumisha usafi hasa katika kipindi hiki cha mvua za masika zinazoendelea kunyesha.

Aidha amewata wakurugenzi wa Mabaraza miji kuhakikisha kuwa wauzaji wa biashara katika maeneo yao wanavaa sare wakati wakiwa kazini.

Hata hivyo   Naibu   Waziri huyo amewaagiza Wakurugenzi hao kusimamia ipasavyo sheria itayokatanza kudhurura na kuingizwa wanyama katika miji na hata vijijini.