Miti 2,000 kupandwa Wilaya ya Micheweni kurejesha uhalisia wake

 

JUMLA ya miti 2,000 za Matunda na Biashara inatajiwa kupandwa kwenye eneo la Mamoja Wilaya ya Micheweni ambalo limeathirika kutoka na uchimbaji wa mchanga.

Eneo hilo lenye ukubwa wa hekta 16.5 , litapandwa miti ili kurejesha uhalisia wake ambao umepotea kutokana na matumizi makubwa ya mchanga yasiyozingatia hifadhi ya mazingira.

Akizungumza wakati wa zoezi la upandaji wa miti katika eneo hilo , Kaim Afisa Mkuu wa Idara ya Misitu na Maliasili zisizorejesheka Pemba Mussa S aid Bakar amesema asilimia kubwa ya miti hiyo inaweza kusaidia wanajamii katika shughuli za kiuchumi.

Amesema jamii inataakiwa kuwa mstari wa mbele kusimamia uhifadhi ya misitu na mazingira kwa kuitumia rasilimali ya miti kwa utaratibu ili kuepusha uharibifu unaweza kujitokeza na kuleta athari wa jamii.

''Katika eneo hili tunatarajia kupanda miti 2000 ya matunda na misitu na ambayo itawanufaisha wananchi wa eneo hili na hivyo kukuza uchumi wao na familia zao,'' alisema.

Mussa amesema kuwa ni jukumu la kila mwananchi kushiriki kuyalinda na kuyatunza mazingira kwa kujiepusha na ukataji wa miti ovyo ili kudhbiti athari za kimazingira .

Mmoja wa vijana kutoka baraza la vijana shehia ya Shumba, Mohammed Salim Tall amesifu hatua zilizochukuliwa na Idara ya Misitu kupanda miti katika eneo hilo na kuahidi kushiriki katika kuilinda na kuitunza miti hiyo.

Tall amesema kuharibiwa wa eneo hilo kutokana na matumizi ya binadamu , kumeleta athari kuwa kwa jamii kwani hata sehemu ya malisho ya mifugo imepotea .

''Sisi Vijana tuta shirikiana na Idara kuilinda na kuitunza miti iliyopandwa kwani watakaonufaika ni sisi ni sio watendaji wa Idara, '' alifahamisha.

Naye Tune Haroub Juma amewasisitiza wananchi kuepusha na vitendo vya kukata miti ovyo pamoja na kuchimba mchanga kwa ajili ya kulinda vitendo vya uhalifu wa mazingira.

Tune ameitaka jamii kuzingatia kauli mbiu ya panda miti kata mti , na kuhakikisha maeneo yote yanabaki kwenye uhalisia na uoto wake wa asili.

''Tuzingatie kauli mbiu ya panda miti kata mti ,lengo ni kudhibiti uharibifu wa mazingira na kurejesha uhalisia wa uoto wa asili '' alifahamisha.

Katika zoezi hilo na upandaji wa miti , jumla na miti 400  aina ya mikorosho imepandwa katika eneo lenye ukubwa na hakta 2.5.