Walimu Elimu Mbadala waomba kuongezewa Mafunzo zaidi

WALIMU wanaosomesha Elimu Mbadala na watu wazima wameitaka Idara  Elimu Mbadala na watu wazima kuendelea kuwapatia mafunzo ili waweze kutekeleza kazi zao kwa ufanisi.

Walimu wa kituo cha Elimu Mbadaka Wingwi wilayani hapa wamepongeza uamuzi wa Idara hiyo wa kuwapatia mafunzo ambayo yatawajenga uwezo na kuboresha kazi zao .

Mwalim Ameir Ali amesema mafunzo aliyoyapata yamemsaidia kuweza kufahamu mbinu za kufundisha pamoja na kupata taaluma ya saikolojia ya kuweza kumsaidia mwanafunzi mtu mzima.

NAye Mwalimu Halima Abdalla amesema mafunzo hayo ni dira katika kuongeza uwezo na ufahamu wa kutoa huduma kwa wanafunzi .

Naye Mwalimu Haji Omar Ali kutoka Idara ya Elimu Mbadala na watu wazima Pemba amesema lengo la mafunzo hayo ni kuwawezesha walimu kupata taaluma na mbinu mbadala za kuweza kuwafundisha wanafunz watu wazima .