Wavuvi Kisiwani Pemba walia na Uvuvi haramu

BAADHI ya Wavuvi kisiwani Pemba wamesema kuwepo na wavuvi wanaoendelea kutumia dhana haramu kunachangia kupungua kwa mazao ya baharini wakiwemo Samaki.

Akizungumza na REDIO JAMII MICHEWENI, Mohammed Ali Kombo amesema Uvuvi wa kutumia Nyavu za kukokota unaathari kimazingira kwani husababisha Samaki wadogo nao kuvuliwa .

Aidha amesema aina nyengine ya Uvuvi ya kutumia Mabomu huwakimbiza Samaki na hivyo kuwaathiri kiuchumi wavuvi .

Afisa Mkuu wa Idara ya Uvuvi na Mazao ya Baharini Sharrif Mohammed Faki amewataka wavuvi kujiepusha na Uvuvi haramu ili waweze kuyalinda Mazingira.

Faki amewataka wavuvi kuithamini kazi yao hiyo kwani ndiyo inayowaangizia kipato kwa kuhakikisha wanafuata taratibu na sheria zilizowekwa .

Mpaka sasa tayari Idara hiyo imeanza kuchukua juhudi mbalimbali ikiwemo kutoa Elimu kwa wavuvi kupitia kamati za wavuvi kutambua athari za kutumia dhama haramu.