ZAECA: 'Kupiga Vita dhidi ya Rushwa, Uhujumu wa Uchumi Zanzibar ni Jukumu la kila Mmoja'

BAADHI ya Vijana katika Wilaya ya Micheweni wamesema bado itachukua muda kuweza kufanikisha vita dhidi ya rushwa kwa kuwa wapo wananchi wanaochangia kutoa rushwa bila ya kudaiwa.

Wakizungumza  na Redio Jamii  Micheweni wamesema ili mapambano dhidi ya vitendo vya rushwa na uhujumu wa uchumi  yaweze kufanikiwa ni budi  jamii  kuhakikisha inashiriki kupiga vita matendo hayo.

Khatib Omar Khatib –KITATANGE– amesema wakati mwengine jamii inachangiaa kuwepo na matendo hayo .

Aidha Hamad Ali Hamad ameitaka jamii kila mmoja kwa mujibu wa nafasi aliyonayo kushiriki kupiga vita dhidi ya rushwa na uhujumu wa Uchumi kwani huu sio wakati wa kutoa kitu kwa lengo la kupata kitu .

Naye Mariam Salim Juma amesema vitendo vya rushwa na uhujumu wa uchumi husababisha mwenye haki kukosa haki.

Mdhamini wa mamlaka ya kuzuia rushwa na uhujumu wa uchumi Zanzibar, -ZAECA- Mkoa wa Kaskazini Pemba Abubakar Mohamed Lunda amesema bado mamlaka hiyo inakosa taarifa sahihi na kuwataka wananchi kushirikiana na mamlaka hiyo kuyatokomeza matendo hayo .