Mjimkongwe kufanyiwa Marekebisho

MKURUGENZI wa Mamlaka ya Uhifadhi na Uendelezaji wa Mji Mkongwe, Issa Sarboko Makarani amesema wanatarajia kulifanyia matengenezo makubwa nyumba ya Bait al Ajab ili kurejesha hadhi kama ilivyokua hapo kabla.

Akizungumza na waandishi wa habari baada ya kumalizika ziara ya ujumbe kutoka serikali ya Oman uliotembelea nyumba mbali za kihistoaria zilizopo katika mji Mkongwe.

Alisema lengo la ujumbe huo kujua hali ya ubovu na mpangilio mzima unaotaka kufanywa katika majumba hayo katika uendelezaji wa mashirikiano yao na Serikali ya Zanzibar katika kuimarisha Utamaduni.

Alisema majengo hayo yatakapokamilika kufanyiwa matengenezo na wataalamu yatasaidia kuweka mji katika hali ya ubora na kupatikana kuongezeka kwa watalii.

Pia alisema ushirikiano wa wajumbe hao utaleta mafanikio katika kutembelea sehemu za kihistoria kwani utaleta mchango mkubwa katika kuimarisha Utalii.

Alisema timu ya wataalamu ipo kamilifu kushirikiana na wataalamu wazoefu ili kuhakikisha katika ziara yao hiyo ya siku tano kuweka utaratibu wa matengenezo  unaohitajika ili kuongezeka kwa watalii katika kisiwa cha Unguja.