RC KAS PEMBA: Askari wa Vyuo vya Mafunzo ongezeni juhudi kwenye kilimo

 

MKUU wa Mkoa wa Kaskazini Pemba Mhe Omar Khamis Othman amewataka Askari wa Vyuo Vya Mafunzo Pemba kuongeza  juhudi   katika kuendeleza shughuli za kilimo kwa  kuunga mkono mikakati ya Serikali kuimarisha uzalishaji na  kupunguza uwagizaji  wa chakula kutoka nje.

Akizindua zoezi la uvunaji wa mpunga katika mabonde ya Tungamaa , Mhe Omar amewataka askari wa vyuo vya Mafunzo kuweka mikakati ya kuzalisha kwa ushindani na vikosi vyengine ili kuamsha ari ya kuzalisha chakula ambacho kitatosheleza  mahitaji ya wananchi.

Mkuu wa mabonde  vyuo vya Mafunzo Staff Sagenti Khamis Seif akitoa taarifa amesema kuwa wataendeleza uzalishaji kupitia shughuli za kilimo ili kuona wanafikia  malengo yaliyowekwa na Serikali.

 Uzinduzi huo pia umehudhuriwa na Kamanda wa Polisi wa Mkoa wa Kaskazini Pemba, Kamishna msaidizi Mwandamizi Hassan Nassir Ali ambaye amepongeza juhudi zinazochukuliwa na askari wa vyuo vya mafunzo.

 Jumla ya Tani kumi za mbunga zinatarajia kuvunwa na Kikosi cha Mafunzo katika Bonde la Tungamaa Mkoa wa Kaskazini Pemba