Uwajibikaji wahimizwa kuulinda Msitu wa Ngezi

 

UWAJIBIKAJI  katika utoaji na upokeaji wa huduma ndio njia pekee inayotoa  muelekeo kwa Serikali kuweza kuwapatia wananchi maendeleo yanayostahiki kwa wakati.

Hayo yamesemwa na Mwenyekiti wa Jumuiya ya Uhifadhi ya Msitu wa Ngezi Hassan Suleiman Khamis wakati akifungua mafunzo ya viongozi wa Serikali kwenye ukumbi wa wizara ya elimu mkoa wa kaskazini pemba .

Amesema huduma zinaweza kuwa rahisi na kutolewa kwa wakati iwapo kila mmoja atawajibna kuepuka malalamiko ya wananchi .

Mapema akitoa mada katika mafunzo hayo, katibu wa jumuiya hiyo, Muhammed Nassor Salim, amesema kuwa jumuiya hio ina lengo la kuwapa fursa wanajamii wakaweza kupaza sauti zao pamoja na kuelewa mikakati inayochukuliwa na serikani katika kutatua matatizo yao.

Akichangia katika mafunzo hayo, kaimu Mkurugenzi wa Halmashauri ya Wilaya ya Wete, Salma Abdul Hamad, amesema kuwa, bado kunahitajika jitihada za makusudi zitakazoweza kuwabadilisha wanajamii na dhana ya uwajibikaji katika utoaji wa huduma.

Mafunzo hayo ya siku moja, yaliandaliwa na jumuiya ya uhifadhi wa maliasili ngezi pemba (NGENARECO) imewashirikisha viongozi wa ngazi mbali mbali za serikali mkoa wa kaskazini pemba.