Shirika la Internews Tanzania latoa Fundisho kwa Waandishi wa Habari Pemba

WAANDISHI wa habari Pemba wametakiwa kuandika na kutangaza habari ambazo zitaleta mabadiliko kwa jamii na kujiepusha na taarifa ambazo zinaweza kusababisha migogoro ya kijamii.

Washiriki wa kikao hicho wakifuatilia maelekezo kutoka kwa Mkufunzi Bi. Lakok Mayomb (kulia).

Mkufunzi wa habari kutoka shirika la Internews, Bi Lakok Mayombo ameyasema hayo wakati akizungumza na wandishi wa Redio Jamii Micheweni, kwenye kikao cha kuwajenga uwezo wa kuandika  habari zenye kuleta mabadiliko.

Amesema ni jukumu la waandishi kuzifanyia uchunguzi taarifa zao  kabla ya kuzitangaza na kuangalia kama zinaweza kuisaidia jamii pamoja na mamlaka za kiutawala.

Mwandishi wa Habari wa kituo cha Redio Jamii Micheweni, GASPARY CHARLES, akitoa uzoefu wake juu masuala ya uandaaji wa vipindi katika kikao hicho.

Mapema meneja wa Redio Jamii Micheweni Ali Massoud Kombo amesema Wilaya ya Micheweni imepiga hatua kubwa kimaendelea tokea kituo cha Redio kianze kufanya kazi

Kikoa hicho ambacho kiemefanyika kwenye ukumbi wa  mikutano wa Redio Jamii Micheweni, ni mwendelezo wa mikutano inayoratibiwa na Shirika hilo kupitia Mradi wa Boresha Habari, wenye lengo la kuwabadilisha wandishi wa habari ili kuweza kuandika habari zenye tija katika mabadiliko .