Wazazi, Kamati Micheweni wakubaliana kuhusu upatikanaji wa haki ya Elimu kwa Watoto

WAZAZI katika Shehia za Tumbe Mashariki na Magharibi Wilaya ya Micheweni Mkoa wa Kaskazini Pemba, pamoja na Walimu wamekubaliana kuweka mikakati ya kupinga udhalilishaji na kuongeza upatikanaji wa haki ya elimu kwa watoto wao Wilayani hapa.

Hayo yamejili katika kikao cha Wazazi pamoja na kamati za Skuli cha kutathimini mpango kazi wa upatikanaji wa haki ya elimu na kupinga udhalilishaji katika sikuli ya msingi Tumbe kilichoandaliwa na Shirika la SOS Children’s Village Zanzibar.

Baadhi ya Washiriki wa Kikao hicho wakifuatilia Mjadala

Nassor Rashid Said Mwalimu Mkuu Skuli ya Sekondari Tumbe, akichangia katika kikao hicho amesema kuwa walimu wanakosa ushirikiano kutoka kwa baadhi ya wazazi na kupelekea watoto kukosa haki yao ya elimu ambayo husababishwa na utoro.

Massoud Ali Hamad mmoja wa wazazi akichangi kikaoni hapo amesema kuwa mfumo wa elimu ya sasa pia nao umekuwa ni chanzo cha watoto wengi kushindwa kupata haki ya elimu ipasavyo kutokana na kuwa Elimu ya Madrasa waliowengi huikosa.

Baadhi ya Washiriki wa Kikao hicho wakifuatilia Mjadala

Akizungumza katika kikao hicho, Afisa mradi kutoka sirika hilo, Gharib Abdallah Hamad amesema ili watoto waweze kupata haki yao kielimu ni lazima Wazazi wawe tayari kushirikiana na Walimu kwa kufuatilia Mwenendo wa Watoto wao.

Awali akizitaja changamoto zinazopelekea watoto kukosa haki ya elimu, Afisa huyo amesema ni pamoja na ukosefu wa lishe majumbani hasa kwa watoto wanaosoma skuli za mbali, usimamizi duni wa wazazi juu ya maendeleo ya skuli kwa watoto.

Afisa mradi kutoka sirika la SOS Children’s Village Zanzibar, Gharib Abdallah Hamad akiandika baadhi ya changamoto zilinazopelekea watoto kukosa haki yao ya elimu Micheweni