OTHMAN MASOUD: SERIKALI KAZI YAKE NI KUCHUKUA KODI TU, LAKINI WATU WANACHUKUA ARDHI WANAUZA WAO

Makamu Mwenyekiti wa Chama cha ACT- Wazalendo  Zanzibar Mhe. Othman Masoud Othman, amesema kwamba  Zanzibar inahitaji kuwepo mfumo na utaratibu bora wa matumizi na usimamizi  sahihi wa ardhi ili kuwawezesha wananchihi kufaidika vyema na rasilimali hiyo ili waweze kupambana vyema na umasikini.

Mhe. Othman ameyasema hayo huko Mkwajuni wilaya ya Kaskazini ‘A’ Unguja alipohutubia  wananchi na wafuasi wa chama hicho katika mkutano wa hadhara ikiwa ni muendelezo wa mikutano mbali mbali ya ACT - Wazalendo inayoendelea katika mikoa mbali mbali Unguja na Pemba.

Aidha amefahamisha kwamba iwapo serikali itakuwa na mfumo bora na sahihi utasaidia  wananchi  wanaomiliki rasilimali hiyo kupata kipato kikubwa zaidi kutokana na ukodishaji, huku serikali nayo ikaweza kufaidika katika kusanyaji wa kodi inayotokana na aradhi  hiyo.

Mhe. Othman ambaye pia ni Makamu wa Kwanza  wa Rais wa Zanzibar, amefahamisha kwamba ardhi ni rasilimali muhimu ya umma ambayo mwananchi anayemiliki anahitaji kuwezeshwa kwa kuandaliwa  utaratibu bora utakaleta tija na faida kubwa  kupitia uwekezaji wa aina mbali mbali unaofanywa na wawekezaji wa ndani nba nje ya nchi.

Aidha amefahamisha kwamba utaratibu uliopo sasa hauna tija na manufaa makubwa kwa wananchi ambao ardhi zao zinatumika kwa uwekezaji jambo ambalo linachangia kutofanikiwa katika kupambana na umasikini.

Mhe. Othman amesema kwamba sera bora na mipango mizuri ya usimamizi wa rasilimali hiyo ni njia sahihi ya kumuezesha mwananchi wa kawaida kuweza kupata kipato kikubwa  zaidi na kujikwamua na tatizo la umasikini kama zinavyofanya nchi mbali mbali duniani.

Mhe. Othman amesema kwamba hatua hiyo ni muhimu kwani itasaidia  sana katika jitihada za ujenzi wa  Zanzibar mpya ambayo itawafanya wananchi kuondokana na tatizo la umasikini sambamba na kudumisha , umoja Amani na mshikamano wa kweli.

Amesema kwamba ni muhimu kuzingatiwa kwa suala hilo kwani uchumi ,  maendeleo bora na amani ya kweli katika nchi yoyote duniani yanatokana na wananchi kuwa na mamlaka ya kamili ya kuwachagua na kuwawajibisha viongozi wao katika ngazi mbali mbali.

Akizungunzia suala la Muungano, Mhe. Othman amesema kwamba ni muhimu kuwepo Mungano wenye mkataba madhubuti  unaotoa na kusimamia maslahi yenye uwiano sawa kwa pande mbili za muungano ili taija ya suala  hilo iweze kupatikana na kuwafaidisha wote.

Mhe. Othman amewata wananchi na wafuasi wa chama hicho kuendelea kuinunga mkono ACT- ili kiweza kuwa  na uwezo na mamlaka ya kusimamia ipasavyo maslahi ya Zanzibar na kuchangia maendeleo ya wananchi katika nyanya mbali mbali.
Naye Mjumbe wa Kamati Kuu ya chama hicho Ismali Jussa Ladhu, amesema nchi haiwezi kupiga hatua na kuwa na maendeleo iwapo hakutomkuepo na  jitihada za kupinga  vitendo vya ufisadi  hasa katika taasisi za serikali nchini.

Kwa upande wake Mwenyekiti wa Ngome ya Wanawake Taifa ya Chama hicho Pavu Juma Abdalla, amesema kwamba utaratibu usiofaa wa usimamizi wa ardhi unachangia sana kuwafanya wanawake wa Zanzibar kuwa ndio waathirika wakubwa wa masuala hayo hasa kwa vile wao ndio wakulima wakubwa wanaosaidia familia kupitia juhudi za kilimo cha aina mbali mbali.

Mapema Mhe. Othman alifika huko Donge  Muwanda Kuifariji familia ya Bwana Mohammed aliyefiwa na watoto watatu hivi karibuni kwa kuzama kwenye mashimo yenye maji, na pia Donge Kipange na kutembelea kuwapa pole wagonjwa na wafiwa katika Kijiji cha Nungwi Mkoa wa Kaskazini Unguja .