JUMUIYA ZA UFUGAJI WA NYUKI KISIWANI PEMBA ZATAKIWA KUFANYA UADILIFU NA KUWA WAVUMILIVU ILI KUKABILIANA NA CHANGAMOTO ZA KAZI HIYO.

Pemba 

                                 

Viongozi wa jumuiya ya wafugaji nyuki Kisiwani Pemba (JUWANPE) wametakiwa kuwa waadilifu na wavumilivu katika kukabiliana na changamoto za  utendaji wa kazi zao ili kuleta mabadiliko ya kiuchumi ndani ya jumuia hiyo.

Wito huo umetolewa na Afisa mipango Wilaya ya Chake Maalim Kassimu Ali Omar katika mkutano wa uchaguzi wa viongozi wapya JUWANPE huko katika kituo cha wafugaji nyuki Chake chake Kisiwani Pemba. 

Maalim Kasimu amesema uongozi ni taaluma hivyo viongozi hao hawana budi kufuatilia shughuli za wanachama wao na kuwaunganisha pamoja ili kufikia lengo lililokusudiwa. 

Msimamizi wa uchaguzi huo ambaye ni Mwenyekiti wa Mwanvuli wa jumuiya za kiraia Kisiwani Pemba (PACSO) Maalim Omar Ali Omar amesisitiza haja ya kudumisha umoja na mshikamano walionao ili kujenga ufanisi wa ufugaji na uzalishaji asali kwa wanachama wa jumuiya hiyo.

Katika uchaguzi huo Ndugu Kmamis Suleiman Massoud alichagauliwa kuwa Mwenyekiti , Othman Bakar Shehe kuwa Makamo na Shaibu Haji Zubeir kuwa katibu.

Wengine ni Bi Andikalo KHAMIS Juma msadizi katibu ,Moza Khamis Abdalla Mshika Fedha na Shehe Matar Shehe kuwa Msaidizi Mshika Fedha ambao pamoja na wajumbe wengine watano watakaoingoza jumuiya hiyo kwa kipindi cha miaka minne ijayo, 

Akitoa shukurani mwenyekiti mpya wa Jumuiya hiyo Khamis Suleimani Massoud amesema pamoja na viongozi wengine watakuwa kitu kimoja katika kulifikia lengo la kuundwa jumuiya hiyo.