MWALIM APIGWA AKIWA DARASANI.

PEMBA

MWALIMU mmoja wa skuli ya sekondari ya Wambaa wilaya ya Mkoani Pemba, Mohamed Khamis Juma ‘masta’ amedaiwa kupigwa na mzazi akiwa darasani anasomesha skulini hapo.

Ilidaiwa mzazi huyo awali alifika ofisi ya Mwalimu mkuu kumuuliza mwalimu huyo, huku akiwa na tabasabu na ndipo alipoelekezwa kuwa mwalimu huyo yuko darasani akiendelea kuwafundisha watoto.

Mara baada ya mzazi huyo alietambulika kwa jina la Salim Ussi Shaame “zinga’ kumfika mwalimu huyo, alimueleza kuwa alipata ujumbe kutoka kwa mwanawe kwamba anamuita skulini hapo, ingawa mwalimu alijibu kuwa yeye hakumbuki hilo.

Aidha taarifa zinaeleza kuwa, mara baada ya mwalimu huyo, kumfahamisha mzazi huyo kwenda ofisi ya Mwalimu mkuu, alivamia darasani na kumkunja mwalimu huyo kwa kipigo.

Mwalimu Mkuu wa skuli hiyo Ridhiwani Haji Makame, alisema wakati mzazi huyo akiwa amemkunja mazazi huyo, ndipo alipoanza kumkunja na kumshambulia kwa vibao huku akitamka kuwa amemjibu jeuri.

“Mzazi wakati anampiga mwalimu huyo akiwa darasani, anadai kuwa amejibiwa jeuri na kwa kule kuelezwa kuwa aende ofisi ha Mwalimu mkuu ili kusikiliza wito’’,alifafanua.

Aidha Mwalimu mkuu huyo, alisema mwalimu huyo hata ilipofika hatua ya kupapatuliwa alichirika damu za mdogo baada ya kupasuka kwa kushambuliwa na mzazi huyo.

Kufuatia tukio tayari uongozi wa skuli hiyo, ulikutana ghafla na kwenda kituo cha Polisi kwa ajili ya kuchukua fomu ya matibabu Ff3, na kisha kwenda hospitali kwa matibabu.

Mwenyekiti wa kamati ya skuli hiyo Abdalla Salim Juma, alisema tukio hilo limetokwa majira ya saa 3:15 wakati mwalimu huyo, akiendelea na kazi yake ya kusomesha.

Alisema yeye alikuwa kwenye safari yake ya kawaida skulini hapo na kuikuta kesi hiyo, ambapo ghafla aliitisha kikao na waalimu juu ya tukio hilo.

“Baada ya kutokezea hali, hiyo sisi kwanza tuliilani lakini kishwa Mwalimu mkuu aliongozana na mwalimu aliepigwa hadi kituo cha Polisi kwa ajili ya taratibu nyengine”,alifafanua.

Chanzo cha tukio kinaelezwa kuwa mtoto wa mzazi huyo pamoja na wengine sita, walifika skuli hapo kama kawaida wakiwa wamevaa flana zisizokubalika ingawa, watano walitii amri ya kuzivua.

Ilifahamika kuwa, mwanafunzi huyo baada ya kushindwa kutii, agizo hilo alitakiwa arudi nyumbani na kurujea skuli hapo, akiwa na mzazi wake.

Ingawa baada ya mzazi huyo kufika skuli hapo, akiwa hali ya kawaida na kumuulizia mwalimu huyo, ambae sie miongoni mwa waalimu waliotoa agizo hilo na kujitokeza hali hiyo.

Mwalimu aliedaiwa kupigwa na mzazi huyo Mohamed Juma Khamis ‘masata’ alisema hakubuki kumjibu jeri mzazi huyo, bali alishangaa baada ya kumuelekeza kwenda ofisi ya Mwaliku mkuu kwa ajili ya kuitikia wito.

Alieleza kuwa, laiti kama sio kutokezea msamaria mwema alieskia zogo na kumpapatua mzazi huyo engelimuumiza vibaya, kutokana na vibao alivyokuwa akimpiga.

“Mimi sikumbuki kuwa mimi na yeye tunaugomvi wowote, naona alinivamia tu na kunipiga vibao na mimi kunipasua mdomo na kutoka damu”,alisema.

Hadi jana bado mtuhumiwa huyo hajakamatwa na Jeshi la Polisi, ingawa tayari barua imeshatumwa kwa sheha wa shehia ya Chumbageni ili kumfikishia.

Hili ni tukio la pili kwa mwaka huu, kwa mwalimu kupigwa na mzazi akiwa darasani, ambapo mara ya kwanza lilitokea skuli ya Michenzani Mkoani.