WALIMU WATAKIWA KUFANYA KAZI KWA WELEDI NA UFANISI ILI KUONGEZA UFAULU.

PEMBA.

MWAKILISHI wa Jimbo la Gando Mhe Mariam Thani Juma ameutaka Uongozi wa Skuli ya Sekondari Kizimbani kufanya kazi kwa weledi na ufanisi ili kuongeza ufaulu wa wanafunzi katika skuli hiyo.

Amesema kuwa ni vyema kamati ya skuli kuwasimamia walimu na kuhakikisha wanaingia na kutoka  darasani  kwa mujibu wa muda uliopangwa.

 

Akitoa msaada wa vifaa vya ujenzi ili kukamilisha jengo la Skuli hiyio Mhe Mariam amesema uongozi wa Skuli hiyo unajukumu la kuhakikisha msaada huo unatumika kama ulivyokusudiwa.

Nao Uongozi wa Skuli hiyo umempongeza mwakilishi huyo kwa msaada wake wa kumalizia jengo la madarasa matatu kwa hatua ya kuezekwa na unyanyuaji wa ukuta wa jengo hilo.

Msadizi Mwalimu Mkuu wa Skuli hiyo Omar Hamad akizungumza kwa niaba ya Mwalimu Mkuu wa Skuli hiyo amemuomba mwakilishi huyo kuendelea kupeleka huduma za kijamii kama wajibu wake bila ya upendeleo.

Msaada huo ambao umetolewa na Mwakilishi wa Jimbo hilo umegharimu shilingi milioni nne na nusu ambapo uongozi wa Skuli umesema hautasahaulika miongoni mwa walimu , wanafunzi na wazazi .