RAIA WANNE WA KENYA WAKAMATWA NA KIKOSI MAALUM CHA KUZUIA MAGENDO KMKM WAKIWA NA MAGUNIA 20 YA NAZI

Pemba

RAIA wanne wa Kenya wamekamatwa na kikosi Maalumu cha KMKM Kamandi ya Pemba wakiwa na magunia ishirini  (20) ya nazi ambazo walikuwa wakiingiza nchini bila ya kufuata taratibu za kulipa kodi .

Akizungumza Oifisini Kwake Wete , Kaim wa Kamanda wa KMKM Kamandi ya Pemba , Luteni Kamanda Hassan Hossein Ali amesema wakenya hao wametiwa mikononi na KMKM katika bandari ya Kichungwani Ungi Shehia ya Msuka Wilaya ya Micheweni Mkoa wa Kaskazini Pemba.

Amesema Mzigo huo  ulikuwa ndani ya chombo kinachofahamika kwa jina la Mdodoki kikiwa hakina namba za usajili ambacho  kilikuwa na mabaharia watano wanne ni Raia wa Kenya na Mmoja ni Mtanzania ambaye anaishi Mkoa wa Tanga.

Kaimu Kamanda wa KMKM Pemba ambaye pia ni Mkuu wa Operesheni wa kikosi hicho  amesema kuwa katika tukio hilo pia wamekamata marobota kumi na moja ya nguo za vitambaa ambayo nayo yalikuwa yanaingia nchini bila ya kulipiwa ushuru.

Mmoja wa Mabaharia hao Mohammed Mwasemi Asiran ameeleza kwamba walilazimika kutia nanga katika bandari hiyo baada ya chombo chao kuharibika jambo ambalo pia liliwalazimu kuutosa baharini baadhi ya mzigo wao.

Amesema mzigo huo walikuwa wanaupeleka katika soko la Qatar lililoko Wilaya ya  Chake Chake Mkoa wa Kusuni Pemba  na kukiri kwamba walikuwa bado hawajafuata taratibu kisheria .

Amesema wakiwa ndani ya chombo kuelekea katika bandari ya Wesha , chombo chao kiliharibika na kulazimika kutia nanga katika bandari ya Kichungwani ili kuhami usalama wa maisha yao na kujikuta wakiwa chini ya ulinzi wa KMKM.

Ameongeza kwamba baada ya kuharibikiwa na chombo walilazimika kuipunguza mizigo yao kwa kuitosa baharini ili kunusuru usalama wa maisha yao ambapo jumla ya magunia tisa ya nazi waliyatosa baharini

Mabaharia wengine ambao wamekamatwa na KMKM ni Hassan Omar Koja 58,  Othman Omar koja 33, Omar Bakar 45 wote ni Raia wa Kenya pamoja na Mussa Omar Ambulue 75 Mkaazi Mkoa wa Tanga