WAONGOZA MAGARI YA NG'OMBE PAMOJA NA PUNDA WATAKIWA KUWA NA LESENI

PEMBA

Waongoza magari ya Ng’ombe na Punda wametakiwa kuwa na leseni wakiwa katika shughuli zao za kupakia mizigo ili kuondoa usumbufu ambao unaweza kujitokeza katika shughuli zao

Ushauri huo umetolewa na mkuu wa usalama barabarani  mkoa wa kaskazini pemba Mbaruku Hassani Khamis wakati alipokuwa akizungumza na wananchi wa wilaya ya micheweni kuhusiana na watu ambao wanaendesha gari hizo bila ya kuwa na leseni.

Amesema gari hizo zinatambuliki kisheria kwa mujibu ya sheria ya 1967 sheria ya usalama barabarani ambayo imefanyiwa marekebisho mwaka 1977 na kanuni  na sheria namba 7  ya mwaka  2003 ya usafiri barabarani inaitambua sheria ya magari ya ngombe ,punda pamoja na mikokoteni

Afandi Mbarouk amesema wanatowa elimu juu ya watumiaji wa magari hayo ili kuweza kutumia barabara bila kuwa na matatizo ya aina yeyote.

“tunatowa elimu juu ya magari ya ng’ombe na punda kwani wananchi walio wengi wanatumia  usafiri huo kwa kubebea mizigo bila ya kujua kama magazi hayo yanatakiwa kuwa na leseni”amesema afande mbaruk

Hata hivyo mkuu wa usalama barabarani wilaya ya wete  Ali  Ahmed amesema wananchi katika maeneo ya wilaya wete wameanza kufanyia kazi  elimu waliyoipata juu ya kukata leseni ya magari ya punda na magari ya ng’ombe

Amesema wameamua kuongeza nguvu katika wilaya ya micheweni ili na wananchi wa wilaya hiyo  waweze kuipata elimu hiyo na kuanza kuifanyia kazi kwa kukata leseni za magari hayo ambayo yanatambulika kisheria 

 “tutaendelea kutoa elimu na kusimamia sheria kwa wananchi ili jamii iwe na muamko wa kujua sheria zao “alisema  afande ali

Nao wananchi waliokuwa wakipatiwa mafunzo hayo wamesema  wamefurahishwa na kitendo cha jeshi la polisi kutoa elimu juu ya kuwatumikisha wanyama katika jamii yao.

Wamesema jeshi la polisi litakapoendelea kutoa elimu hiyo jamii  itaweza kuelimika na kuweza kuzitumia barabara ipavyo na kuepukana na  ajali zinazojitokeza mara kwa mara katika barabara zao.