MAAFISA UTUMISHI WANAOCHEZEA KUMBU KUMBU ZA WAFANYAKAZI WANYOOSHEWA VIDOLE

Pemba

AFISA Mdhamini Ofisi ya Rais  Katiba , Sheria , Utumishi wa Umma na Utawala Bora  Pemba Massoud   Ali  Mohd   amewaonyeshea   vidole    maafisa   Utumishi wanaochezea   kumbukumbu za wafanyakazi na kusababisha kupoteza taarifa muhimu za wafanyakazi  katika  Taasisi  zao .

Ameyasema  hayo  wakati akizungumza  na Maofisa  Utumishi  wa  Umma  katika  Kikao  cha  Utekelezaji  wa  Sheria   na  Kanuni  za  Utumishi  wa Umma  huko  Ukumbi  wa  Wizara  ya  Katiba  na  Sheria   Chake chake  Pemba.

Amesema  kupotea  kwa Kumbukumbu  za  Wafanya kazi  kunasababisha  hasara  kwa Serikali kwa kuendelea  kuwa  na Rasili  mali  watu  ambao  hawanatena  uwezo  wa  kufanya  kazi.

Aidha  Amesema  Ofisa Utumishi ambaye atabainika kuzichezea kumbukumbu za wafanyakazi na  kusababisha mtumishi kuendelea kuwepo kazini kinyume na sheria  pamoja  na  kukatisha  muda wa utumishi kwa   mtumishi   atakumbana   na  mkono   wa  sheria.

Nao   baadhi  ya  Watumishi  waliohudhuria  Mkutano  huo  wamemtaka Afisa  Mdhamini  kutembelea  Mawizarani  na  kutoa  elimu  ya  Utunzaji wa  Kumbukumbu.