WAZIRI ABAINI UPOTEVU WA MAPATO YA SERIKALI UNAOFANYWA NA BAADHI YA WATENDAJI WA BARAZA LA MJI

Pemba.

WAZIRI wa Nchi , Afisi ya Rais, Tawala za Mikoa, Serikali za Mitaa na idara Maalum za SMZ, mhe HAJI OMAR KHEIR amebaini upotevu mkubwa wa mapato ya Serikali  yanayofanyika katika baraza la mji wete, kwa baadhi ya watendaji kutumia risiti za iliyokuwa halmashauri ya wilaya hio na kujipatia fedha kwa maslahi yao.

Amesema Serikali inataarifa  kamili ya ubadhirifu huo unaofanywa na baadhi ya watendaji wa baraza hilo na kuikosesha Serikali mapato ambayo yalikuwa yatumike katika kuleta maendeleo ya wananchi.

Mh.Waziri ameyasema hayo, katika mkutano wa kukumbushana majukumu na watendaji wa Serikali wakiwemo Madiwani , halmashauri na Wilaya ya Michheweni , Baraza la Mji Wete, Kamati ya Ulinzi na Usalama Mkoa  Wakuu wa Wilaya pamoja na  Mkuu wa Mkoa wa Kaskazini Pemba kwenye ukumbi wa Mikutano wa Jamhuri .

Amesema ,Serikali haitamfumbia macho na kumuhurumia mtendaji yoyote anaejihusisha na udanganyifu wakati wa kuwapatia huduma wananchi kwa njia zisizo halali kwa maslahi binafsi.

Sambamba nahayo amesema Wizara yake iko tayari kuwatoa kazini wanaothubutu kufanya vitendo hivyo kwa nia ya kuondoa kasoro zilizopo na kuweka sawa utekelezaji wa majukumu yao kwa maslahi ya nchi wanayoitumikia.

Kwa upande wake, Mkuu wa Mkoa wa Kaskazini Pemba, Omar Khamis Othman, amewataka watendaji wa Halmashauri na mabaraza kufanya kazi kwa uadilifu pamoja na kujua majukumu yao katika kufikia dhamira ya kuingizia mapato Serikali