RC Kas Pemba Ahimiza Wakulima wa Mpunga Mkoani Humo Kuzitumia Trekta

MKUU wa Mkoa wa Kaskazini Pemba Mhe Omar Khamis Othman amewataka wakulima wa mpunga wa mabonde ya Chanjaani Konde na Koowe kuchangia gharama za kulimiwa ili matrekta yafanye kazi kwa mpangilio .

Akizungumza na baadhi ya wakulima pamoja na maafisa kutoka Idara ya Kilimo Pemba  amesema matrekta yanapaswa kulima bonde moja kwa pamoja ili yaendelee katika mabonde mengine.

Mhe Omar ameyasema  hayo wakati alipofanya ziara ya kukagua kilimo cha kunde pamoja na maandalizi ya kilimo cha mpunga ambapo amewataka kushirikiana na watendaji wa wizara ya kilimo ili kufanikisha lengo .

Naye kaimu Mkuu wa Idara ya Kilimi Pemba Juma Maalim Faki amesema jumla ya ekari 8059.75 sawa na asilimia 79.01 ya lengo la ekari 10200 la Mkoa zimechimbuliwa kwa jembe la mkono na trekta.

Naye mwenye wa Bonde la Koowe Faki Khamis Faki amesema wakulima wa bonde hilo wameweza kunufaika na elimu inayotolewa na mabwana / mabibi shamba ambao wamekuwa karibu na wakulima wa bonde hilo.