WANAFUNZI Washiriki Mafunzo ya UNESCO Wapewa Siraha Kujikinga na Mimba za Utotoni Micheweni

Mwezeshaji wa mafunzo ya kuwawezesha wanafunzi uelewa juu ya masuala ya afya ya jamii na ushiriki katika uandaaji wa vipindi vya Redio,  Suleiman Fakhi Haji,Akielekeza washiriki wa Mafunzo hayoya Elimu ya Afya ya Uzazi. (PICHA NA GASPARY CHARLES)

Wanafunzi kisiwani Pemba wametakiwa kutojihusisha katika mapenzi ya umri mdogo ili kuepukana na matatizo mbalimbali ikiwemo mimba za umri mdogo.

Rai hiyo imetolewa na mwezeshaji wa mafunzo ya kuwawezesha wanafunzi uelewa juu ya masuala ya afya ya jamii na ushiriki katika uandaaji wa vipindi vya Redio,  Suleiman Fakhi Haji, yanayoendelea katika Ukumbi wa Sikuli ya sekondari Chwaka Tumbe.

Mwezeshaji huyo amesema kuwa katika kipindi hiki wanafunzi wanatakiwa kuzingatia masomo yao ili waweze kufanikiwa kutimiza ndoto zao.

Aidha ameongeza kuwa katika siku za hivi karibuni kutokana na kuporomoka kwa maadili ndani ya jamii wazazi wamekuwa ndio kisababishi cha kupelekea watoto kufanyiwa vitendo vya udhalilishaji ikiwemo ulawito.

Kwa upande wa mzazi anaeshiriki mafunzo hayo, Bi Time Juma amewataka wazazi wenzake kuwa msitari wa mbele katika kupambana na vitendo vya udhalilishaji ikiwemo mapenzo ya umri mdogo kwa watoto wao.

Mafunzo ya kuwawezesha wanafunzi uelewa juu ya masuala ya afya ya jamii na ushiriki katika uandaaji wa vipindi vya Redio yanayo endelea katika Ukumbi wa Sikuli ya sekondari Chwaka Tumbe yanajumuisha wanafunzi kutoka Shule za Sekondari Micheweni, Tumbe, Wingwi na Chwaka Tumbe, Walimu pamoja na Wazazi.