SMZ Yaliliwa Utoaji wa Fidia Walioanguka Mikarafuni Zanzibar

 
Kamati ya fedha biashara na kilimo ya baraza la wawakilishi imeiomba Serikali kupitia wizara ya kilimo kuangalia upya kima cha fidia kinachotoa kwa watu walioanguka mikarafuu ili kwenda sambamba na gharama za  kimaisha zinavyokwenda.

Katika kikao cha kuwafariji watu waliopata ajali ya kuanguka mikarafu kilichofanyika katika ukumbi wa kiwanda cha makonyo Wawi Chakechake mjumbe wa kamati hiyo ambaye pia ni mwakilishi wa jimbo la Mkwajuni Mh Ussi Yahya Haji amesema wananchi wamekuwa wakitumia gharama kubwa kutafuta matibabu baada ya kuanguka hivyo kuwepo kwa uwiano wa kifuta jasho kutasaidia upatikanaji wa huduma bora kwa jamii hiyo.

Aidha mwenyekiti wa kamati hiyo na mwakilishi wa jimbo la Fuoni mh Yussuf Hassan Iddi amesema Serikali inathamini mchango wa wananchi wake kwa juhudi walioichukua ya kuliokoa zao la karafuu na ndio maana ikatoa fidia hiyo kwa waliopata ajali ya kuanguka

Pamoja na hayo amelitaka shirika la Z S T C kuhakikisha imewapatia kifuta jasho  waliopata na ajali ya kuanguka na  kuharakisha kuwafanyia taratibu za malipo kwa wale ambao wamechelewa maombi yao .

Nao baadhi ya watu waliopata ajali hiyo wamelishauri shirika la Z S T C kuwa karibu na watu hao pale itakapo tokea ajali ya kuanguka ili kutahisisha taratibu za maombi ya fidia zao.