Baraza la manispaa lajidhatiti kusimamia maslahi ya Wafanyakazi wake

Mkurugenzi wa Baraza la Manispaa la Mjini zanzibar Aboud Hassan Serenge amesema atahakikisha anasimamia kwa umakini mkubwa maslahi  ya wafanyakazi wa baraza la manispaa na mishahara ya madiwani zinalipwa kwa wakati.

Akizungumza na Vyombo vya habari amesema kupatikana kwa mishahara na maslahi kwa wakati itaweza kuongeza nguvu kwa wafanyakazi kufanya kazi kwa bidii kwani hakuna sababu ya kucheleweshewa mishahara yao kutokana na  hali ya ukusanyaji wa  mapato kwasasa inaridhisha.

Amesema  mapato yanayokusanywa na watendaji wa baraza la manispaa mjini pamoja  na halmashauri zake  yanakidhi  kuwalipa wafanyakazi pamoja na kusaidia katika huduma nyengine za kijamii katika Serikali