Jeshi la Polisi Wilaya ya Wete Kas Pemba lapewa Wiki moja Uchunguzi tukio la Uchomaji Moto Baraza la Vijana Shehia ya GANDO

Mkuu wa wilaya ya Wete Abeid Juma Ali ametoa muda wa wiki kwa  jeshi la Polisi wilayani humo kuhakikisha linakamilisha uchunguzi wa tukio la kuchomwa moto ofisi ya baraza la vijana shehia ya Gando .

Haya ameyasema wakati alipofanya ziara ya kutembelea eneo la tukio na kusema serikali ya wilaya inalaani vika avikali vitendo hivyo ambavyo vimarudisha harakati za kujikwamua na umaskini kwa vijana .

Amesema kuwa serikali haiwezi kufumbia macho vitendo vya uhalifu vinavayofanywa na baadhi ya wananchi ambao wanakwamisha juhudi za kujiletea maendeleo .

Naye Afisa maendeleo ya vijana wilaya hiyo Seif Edward amewataka vijana kutovunjika moyo kutoka na hujuma ambazo zimefanywa katika ofisi yao  badala yake waendelee kushirikiana .

Mmoja wa wajumbe wa baraza la vijana shehia ya Gando Ahmed Said Khalfan amesema tukio hilo limetokea majira ya usiku na limethiri ofisi yao pamoja na vifaa ambavyo vilikuwa ndani yake.