Kamati ya Ulinzi na Uhifadhi wa Mtoto wilaya ya Micheweni yawataka Watoto wote walioacha Shule Kurejea Skuli

Wazazi na walezi katika wilaya ya Micheweni wametakiwa kuwarejesha mara moja watoto wote waliocha shule ili kuendelea na masomo yao kama kawaida.

Kauli hiyo imetolewa na Mwenyekiti wa kamati ya ulinzi na uhifadhi wa mtoto Wilayani hapa, Hamad Othumani wakati akizungumza na watoto pamoja na wazazi hao katika ofsi ya mkuu wa wilaya ya Micheweni.

Amesema wazazi watakapokuwa mbele katika kusimamia masuala ya masomo kwa watoto wao, watoto hao watakuwa na mwamko wa kupenda kusoma na kwenda shule kwa wakati bila kukosa.

Hata hivyo kaimu afsa elimu wilaya ya Micheweni Mwalimu Bakari Khamis amesema wamekuwa mstari wa mbele kuwaelimisha walezi na wazazi juu ya kuwapatia watoto wao fursa ya kupata elimu

Kwaupande wake mkuu wa wilaya hiyo Salama Mbarouk khatib amesema hatamuonea haya mlezi au mzazi ambaye atamkosesha mtoto wake haki yake ya msingi ya kupata elimu.

 

Amesema tayari wilaya yake imekuwa ikipigania kuondosha ajira za watoto na watoto kutakiwa kurejea shule ambapo tayari 300 wamerejea shuleni sasa toka kuanzisha zoezi hilo la kuwarejesha shulebni.

Kwa upande wao wazazi na walezi wameahidi kuwarejesha shule watoto na kuwasimamia ili kuweza kusoma na baadala yake kupata wataalamu wa ngazi mbali mbali katika Taifa.