Atuhumiwa Kukamatwa na 'Heroein' Kete 417 KAS-PEMBA

JESHI la polisi mkoa wa KASKAZINI PEMBA linamshikilia kijana SULEIMAN FAKI MBAROUK 21 akituhumiwa  kukamatwa  akiwa na kete 417  za unga unaodhaniwa kuwa ni dawa za kulevya aina ya HEROEIN .

Kwa mujibu wa taarifa kutoka ndani ya jeshi la polisi ambazo zimethibitishwa na kamanda wa polisi mkoa huo HAJI KHAMIS HAJI ni kwamba mtuhumiwa huyo amekamatwa na askari waliokuwa katika oparesheni ya dawa za kulevya .

Akizungumza ofisini kwake , kamanda HAJI amesema jeshi la polisi linaendelea kumhoji mtuhumiwa na atafikishwa mahakamani kujibu tuhuma zinazomkabili pindi upelelezi utakapokamilika.

Aidha kamanda haji amewataka wananchi kuendelea kushirikiana na jeshi la Polisi kwa kuhakikisha wanatoa taarifa sahihi ambazo zitafanikisha kukamatwa wanaojihusha na mtandao wa Dawa za kulevya kwani vita dhidi za dawa za kulevya ni za wote.

Kukamatwa kwa mtuhumiwa huyo kumetokana na juhudi zinazochukuliwa na jeshi la polisi kwa kushirikiana na raia wema ambao wamekuwa wakitoa taarifa  sahihi juu ya matukio ya dawa uhalifu.

Na Massanja Mabula