Dumu la Maji WETE lauzwa TSH 1,000, Wananchi Wahaha

 
UKOSEFU wa huduma ya maji Safi na Salama kwa baadhi ya maeneo ya mji wa WETE umeifanya huduma hiyo kuwa adimu ambapo wananchi wanalazimika kununua dumu moja la maji kwa shilingi 1000.

Baadhi ya maeneo ya mji wa WETE yaliyotebelewa REDIO JAMII MICHEWENI umebaini kuwepo na adha kubwa wanayoipata kuifatuta huduma hiyo masafa marefu .

Wakizungumza kwa masikitiko baadhi ya Wananchi wa Mji huo wamesema ukosefu wa huduma hiyo umesababisha kutumia Muda mwingi kuifuta mabondeni huku wakichelewa kufika ofisini pamoja na wanafunzi kuchelewa skuli .

Aidha wameiomba mamlaka ya maji ZAWA kuliangalia suala hilo kwa jicho la huruma ili kuwaondeshea tatizo hilo .

Kwa upande wake afisa wa mamlaka ya Maji ZAWA Mkoa wa KASKAZINI PEMBA BARAKA ALI MBWANA amesema tayari Mamlaka inaendelea na jitihada ya kufanyia matengenezo Bomba lililopasuka na huduma hiyo itarejea ndani ya kipindi cha siku mbili.

Na Masanja Mabula