RC KAS PEMBA aahidi Kuendelea Kutangaza Maeneo ya Utalii Kwa Wawekezaji

 

Mkuu wa Mkoa Kaskazini Pemba Mhe. Omar Khamis Othman amesema serikali ya Mkoa itaendelea kuyaibua,  kuyaendeleza na kuyatangaza maeneo ya Utalii ili yaweze kutumika kwa ajili yakukuza pato la nchi.

Akizungumza na ujumbe wa Makamishna wa Kamisheni ya Utalii Zanzibar huko Ofisini kwake, Mkuu huyo wa Mkoa  amesema Serikali imeyaibua maeneo mengi na kuyatangaza ambayo kwa sasa yamekuwa ni kivutio cha watalii wanaokuja kuyatembelea.

Amesema lengo la Serikali ya Mkoa kuyaibua , kuyaendelea na kuyatangza maeneo hayo ni katika kuunga mkono kauli mbinu ya Serikali kuu ya kuhimiza dhana ya Utalii kwa wote.

‘Serikali ya Mkoa inaendelea kuyaibua na kuyatangza maeneo ya utaii ili wananchi waweze kuyatambua na kuyalinda pamoja na kuyatumia kwa ajili ya kutimiza adhama ya Serikali ya Utalii kwa wote’’ alifahamisha.

Aidha Mkuu huyo wa Mkoa ameitaka Mamlaka ya Uwekezaji na Vitenga Uchumi ZIPA kuondoa vikwazo kwa wawekezaji wanaotaka kuwekeza miradi ya utalii katika maeneo yaliyotengwa na Serikali .

Amebainisha kwamba wapo baadhi ya wawekezaji   ambao kwa mujibu wa taratibu wametimiza vigezo vya kuwekeza miradi yao , lakini wanapokewa vikwazo kutoka ZIPA jambo ambalo linatakiwa kuangaliwa na Kamisheni ya Utalii.

 Akizungumza kwenye kikao hicho Katibu Mtendaji wa Kamisheni ya Utalii Zanzibar  Vuai Iddi Lila amesema Sekta ya Utalii imekuwa na mchango Mkubwa katika kuchangia kipato cha nchi.

Lila ameiomba Serikali ya Mkoa kuwaelimisha wananchi wanaoishi kwenye maeneo ya ukanda wa uwekezaji kutambua faida na utalii kwa  maendeleo ya ukuaji wa uchumi wa nchi na mwananchi mmoja mmoja.

‘Sekta ya Utalii imekuwa ikichangia ukuwaji wa pato la Taifa na mwananchi mmoja mmoja kwani  ndiyo Sekta pia inayotoa ajira kwa vijana ’’alieleza Lila.

Nae Katibu Tawa wa Mkoa huo Ahmed Khalid Abdalla ameitaka Kamisheni hiyo kuboresha huduma za miundo mbinu katika maeneo ya uwekezaji.

Amesema yapo maeneo ambayo wawekezaji wamewekeza lakini bado yanakabiliwa na miundombinu mibovu hususani ya barabara , na kwamba yanahitaji kuboreshwa na kurahisha usafiri wa wananchi.

‘Mkoa wa Kaskazini Pemba unamaeneo mengi ya ukanda wa Utalii ,ikwemo Makangale lakini bado miundombinu ya barabara inakwamisha maendeleo ya sekta hii ’’alieleza.

Hata hivyo mmoja wa makamishina Kamisheni hiyo alieleza kwamba ukarabati wa barabara kuelekea Makangale unatarajia kuanza mwezi machi kwa kiwango cha kifusi .