Zambia yatarajia ukuaji mzuri wa uchumi mwaka huu

Serikali ya Zambia imesema, uchumi wa Nchi hiyo unatarajiwa kukua vizuri mwaka huu kutokana na kuwepo kwa mazingira tulivu ya kiuchumi.

Waziri wa fedha wa ZAMBIA Bibi MARGARET MWANAKATWE amesema, matarajio hayo yanatokana na utekelezaji wa sera mbalimbali, na mageuzi ya kimfumo na kisheria chini ya mradi wa Serikali wa kutuliza uchumi na ukuaji.

Amesema ukuaji wa uchumi unatarajiwa kuwa mzuri huku mfumuko wa bei ukipungua na urari wa kifedha ukidhibitiwa ndani ya Bajeti.

Lakini, Bibi MWANAKATWE pia amesema, mabadiliko ya hali ya hewa na kiwango cha juu cha mikopo vitatoa athari hasi kwa shughuli za kilimo na uzalishaji wa umeme.