Elimu Kilimo cha Kisasa kuwarahisishia wakulima wa Mwani Z'bar

Mkurugenzi wa Taasisi ya Sayansi na Bahari Zanzibar Dk.Margareth Serapio Kyewalyanga amewataka Walikulima wa Zao la mwani kutumia vyema mafunzo wanayopatiwa ya kilimo cha kisasa cha zao hilo ili waweze kuzalisha mwani wenye ubora ambao utasaidia kulipathamani zao hilo.

Akizungumza wakati wa Ufunguzi wa semina ya siku mmoja ya kilimo cha zao hilo katika maji makubwa  amesema wakulima watakapo yatumia vyema mafunzo hayo yatawasaidia kuzalisha zao la mwani kwa wingi ambalo litawapatia kipato cha kujikimu na maisha.

Amesema ni suala zuri kuona wanawake wanakuwa mbele katika kushiriki shughuli za maendeleo hivyo ni vyema kuendelea kuthamini michango na elimu wanayopewa na tasisi mbalimbali ili waondokane na utagemezi katika familia zao.

Aidha amesema wakati umefika kwa wakulima hao kuachana na kilimo cha kizamani badala yake wajikite katika kilimo cha kisasa ambacho kinawapunguzia hasara zinazojitokeza wakati wa kuzalisha zao la mwani ikiwemo zao hilo kuuguwa maradhi.

‘’Kilimo hicho cha maji marefu ni kizuri kwanza kinaepusha mwani kuuguwa maradhi kutokana na athari za mabadiliko ya tabia nchi ambayo yasababisha mwani kuugua kutokana na joto kali bahabari’’

Kwa upande wake amesema kwa sasa wameanzisha mradi wa SEAPOWER ambao utawawezesha wakulima wa zao la mwani kujua jinsi ya kuzalisha zao hilo katika maji ya kima kirefu ili waweze kunufaika na kilimo chao.

Amesema katika kuhakikisha taaluma ya kilimo hicho inawafikia wakulima kwa wakati Mradi huo pia umekusudia kuendeleo kuhamasisha ukulima huo kwa kila kijiji ili weweze kuzalisha mwani wa kutosha utakaoendana na mahitaji katika soko.

 Amesema kilimo hicho cha kilimo cha mwani katika maji marefu kutaengeza upatikanaji wa mwani kwa wingi hapa Zanzibar pamoja na kuwawezesha wakul;ima hao kulima kilimo cha kisasa kitakacho engeza thamani katika zao hilo.

Kwa upande wao wakulima wa zao hilo wamesema licha ya kupewa mafunzo ya kilimo hicho lakini wanakabiliwa na tatizo la kutojua kuogolea katika kima cha mqaji marefu ambapo zao hilo linatakiwa kuoteshwa.

Wamesema watakapo letewa wataalamu wa kuwafunza namna ya ya kukabiliana na mawimbi ya bahari  kutawawezesha kuendeleza kilimo hicho ambacho ndio tegemeo lao la kujikombo na umaskini katika familia zao.

 Wamesema kutoka na waume zao kuwa na mwamko mkubwa wa kutoa ushirikiano katika kuwaruhusu kuendeleza kilimo cha mwani watahakikisha wanatumia vyema mafunzo waliyoyata katika kuengeza uzalishi pamoja na kujitolewa kuwafunza wakulima wengine ili waweze kuimarisha uchumi.

    Semina hiyo ya siku moja iliyoandaliwa na Mradi wa SeaPower unaofadhiliwa na Serikali ya Australia na Swiden imeshirikisha Wakulima wa zao la mwani kutoka sehemu mbali mbali ikiwemo Kenya na Zanzibar pamoja na taasisi zinazosimamia masuala ya mwani na Ununuzi.